- جاز ايلارىندا وڭىردەگى اۋىلدىق ايماقتارداعى اكىمدىكتەردىڭ قولداۋىمەن 24 كيىز ءۇي تىگۋ جوسپارلانىپ وتىر. ۇلتتىق مۇددەنى كوزدەيتىن «التىن وردا»، «نۇرلى شاڭىراق»، «كيىز ءۇي»، «ماڭگىلىك ەل»، «اۋىل» جانە «جايلاۋ» اتتى لاگەرلەر ەكىباستۇز، اقسۋ قالالارى مەن شارباقتى، كاچير، ماي جانە ەرتىس اۋداندارىندا ورىن تەبەدى. بۇل ماقساتتا جەرگىلىكتى بيۋدجەتتەن 1 ميلليون تەڭگە جانە دەمەۋشىلەردىڭ ەسەبىنەن 600 مىڭ تەڭگە قاراجات ءبولۋ قاراستىرىلعان, – دەيدى س. مۇقانوۆ.

باسقارما باسشىسى ورىنباسارىنىڭ ايتۋىنشا، دەمالىس ماۋسىمىندا وسكەلەڭ ۇرپاق سالت-داستۇرمەن، ادەپ-عۇرىپپەن تانىساتىن بولادى. سونداي-اق جازعى دەمالىس باعدارلاماسىندا ۇلتتىق ويىندار مەن اتاقتى انشىلەر مەن سازگەرلەردىڭ ءومىرى، شىعارماشىلىعى جايلى مالىمەت بەرۋ كوزدەلەدى.

بۇدان باسقا، پاۆلودار قالاسىندا مەكتەپتەن تىس مەكەمەلەر بازاسىندا ءپروفيلدى لاگەرلەر ۇيىمداستىرىلاتىن بولادى. ماسەلەن، ۇلتتىق جاڭعىرتۋ مەكتەبىندە لينگۆيستيكالىق جانە ەتنولاگەرلەر، بالالار كوركەمسۋرەت، تەحنيكالىق مەكتەپتەردە “شەبەر” قالاسى مەن كوشپەلى ءپروفيلدى لاگەر جۇمىس ىستەيتىن بولادى.

ەكىباستۇز قالاسىندا 6 مىڭنان استام وقۋشىنىنىڭ قامتىلۋىمەن 4 D فورماتىندا “جۇلدىزدى كۆادرات” جوباسىن ىسكە اسىرۋ جوسپارلانۋدا. اتالمىش جوبانىڭ دەمەۋشىسى – “ەكىباستۇز بالالار قورى” قق.

جالپى، ۇستىمىزدەگى جىلى جازعى دەمالىس بىرنەشە باعىتتا، اتاپ ايتقاندا، ساۋىقتىرۋ، بوس ۋاقىتتى ۇيىمداستىرۋ، ەڭبەكپەن قامتۋ بويىنشا وتەدى. ءتۇرلى تيپتەگى 559 لاگەر مەن الاڭدا 85170 بالا دەمالادى.

اقبوتا سەيسەنباەۆا

baq.kz