الماتىدا بىرقاتار جولاۋشى اۆتوبۋستارىنىڭ باعدارى وزگەرتىلدى
kerey.kz
الماتىدا 2015 جىلدىڭ 15 ماۋسىمىنان باستاپ، اباي داڭعىلى بويىنشا قوعامدىق كولىكتەر ەكى باعىتتا ارنايى بەلگىلەنگەن جولاقتارمەن جۇرەتىن بولادى.
ال ءبىرىن-ءبىرى قايتالايتىن اۆتوبۋس باعىتتارى قىسقارتىلادى. بۇل تۋرالى بۇگىن الماتى قالاسى اكىمىنىڭ ءباسپاسوز قىزمەتىنەن حابارلادى.
«جوبانىڭ باستى ماقساتى – قالانىڭ باعدارلىق جەلىسىن وڭتايلاندىرۋ، جولاۋشى تاسىمالداۋ ساپاسىن ارتتىرۋ جانە قالانىڭ ەكولوگيالىق جاعدايىن جاقسارتۋ» – دەلىنگەن حابارلامادا.
سونىمەن قاتار، بەكىتىلگەن جول ءجۇرۋ كەستەسىنە سايكەس، اباي داڭعىلى بويىنداعى جولاۋشى كولىكتەرى ءۇشىن وقشاۋلاندىرىلعان جولاق، اۆتوبۋستار مەن تروللەيبۋستاردىڭ ەشقانداي بوگەتسىز ءجۇرىپ وتىرۋىن قامتاماسىز ەتەتىن بولادى. ال بۇل جولاۋشىلاردىڭ ا نۇكتەسىنەن ب نۇكتەسىنە دەيىن بارۋ ۋاقىتىن قىسقارتادى. ودان باسقا، قالادا جول جيەكتەرىنە اۆتوكولىكتەردى قويۋعا ارنالعان اۆتوتۇراقتار سالۋ جۇمىستارى جۇرۋدە.
«الماتى قالاسىنىڭ جولاۋشىلار كولىگى باسقارماسى وسىنداي شارالار ارقىلى اۆتوبۋستاردىڭ ءوزارا جارىسۋىن توقتاتىپ، جولاۋشىلارعا قىزمەت كورسەتۋ ساپاسىن ارتتىرۋدى جوسپارلاپ وتىر» – دەلىنگەن حابارلامادا.
سونىمەن، جولاۋشى تاسىمالداۋ جۇمىسىن وڭتايلاندىرۋ ماقساتىندا اباي داڭعىلى بويىنشا №35, №105 اۆتوبۋس مارشرۋتتارى مەن №№16, 8 تروللەيبۋس مارشرۋتتارى الىنىپ تاستالادى، ال №25 اۆتوبۋس ايگەرىم ىقشاماۋدانىنان «ماسكەۋ» مەترو بەكەتىنە دەيىن، №120 اۆتوبۋس اينابۇلاق ىقشاماۋدانىنان «الاتاۋ» مەترو بەكەتىنە دەيىن، №123 اۆتوبۋس كوكجيەك ىقشاماۋدانىنان «بايقوڭىر» مەترو بەكەتىنە دەيىن جانە №128 اۆتوبۋس «سايران» مەترو بەكەتىنە دەيىن عانا جۇرەتىن بولادى.
gazeta.kz
پىكىر قالدىرۋ