namys.kz
كيىكتەر مەن توقال
kerey.kz
100 مىڭ كيىك توقال ءۇشىن تاياق جەگەن 1 ادامنىڭ ماسەلەسى سياقتى دا بولا الماي تۇرعانى-اي!.. تانىمال تۇلعالارىمىزعا دەيىن سول جىگىتتىڭ كوكالا سۋرەتىن ءبولىسىپ، جۇرت شوتىنا ميلليونداپ اقشا اۋدارىپ، ءبارى سول جايلى وي-پىكىر ايتىپ “ۇلتتىق پروبلەماعا” اينالدىرىپ ەدى. ال قازاق دالاسىنىڭ قىرىلعان كيىگى ات توبەلىندەي ادامعا عانا كەرەك سياقتى. جاڭالىقتاردان دا 8 كيىك ولگەندەي جاي عانا ايتا سالدى. انشەيىندە ءتۇرلى شارالار وتكىزىپ، “كولىكتىڭ ءتۇتىنى، شاشىلعان باكلاشكا تابيعاتىمىزدى قۇرتىپ جاتىر” دەپ بايبالام سالاتىن تابيعات قورعاۋ ۇيىمدارى تىنىش سياقتى عوي.
سەبەپ سول باياعى پاستەرەللەز دەۋدە. ءبىر ەمەس، ەكى ەمەس… ەپيدەميولوگتارىمىز قايدا؟ پالەنباي جىل ملن-داعان قارجى ءبولىپ ارنايى مەكەمەلەرگە باقتىرىپ، قورعاشتاپ كەلىپ، جاي عانا كومە بەرەمىز بە؟ كومگەندە دە پاستەرەلل تاياقشاسى ولەكسەدە 4 اي ءومىر سۇرەدى. قانداي تەرەڭدىككە كومسە دە (سۋرەتتە ول كورىنىپ تۇر), 85 مىڭ ولەكسەدەن جىرتقىش اڭدار، يت-قۇس ءبارىبىر ءدام تاتادى، قازىپ جەپ اۋرۋدى ءارى قاراي تاراتادى. وسى جاعى قالاي بولادى؟ ول جەرلەرگە مال جايىلادى، ودان ءارى ادام دەنساۋلىعى جالعاسىپ جاتىر. ناعىز ماسەلە!
P.S. ءياا، وسىلاي دەپ جاتىر جاناشىرلار. الگى قالاي ەدى، “جانى اشىماستىڭ قاسىندا باسىڭ اۋىرماسىن” دەيتىن بە ەدى. بروكونەرلەردىڭ ماشينەسىنەن 10 كيىك تاۋىپ السا، ونى ايداي الەمگە جار سالا جاريالاپ، ءاربىر ءمۇيىزى ءۇشىن ءجۇز مىڭداپ، تۇتاس دەنەسى ءۇشىن ميلليونداپ ايىپپۇل سالادى. بىلەم، سىلتاۋ قاي كەزدە دە وڭاي تابىلادى ەمەس پە. بىراق، بۇلاردىڭ جاپپاي قىرىلۋى اۋرۋدان دەسەك، اۋرۋ قايدان كەلدى!؟ ارينە، ءسوزسىز توپىراعىمىزعا توگىلىپ جاتقان اتى وشكىر گەپتيل-مەپتيل دەگەن بالەلەردەن كەلگەنى ەكىباستان بەلگىلى. ال، ولاردى بىزگە اسپاننان جاۋدىرىپ جاتقان كىمدەر؟ قىرعىزستان با، وزبەكستان با؟ جوق! كىم ەكەنىن مەن ايتپاسام دا ىشتەرىڭىز سەزىپ وتىرعان شىعار. بۇنىڭ الدىن الماساق ءبىر قۇدايدىڭ ءوزى بىلەدى، تاعى قانداي بايلىقتارىمىزدىڭ كوز جاسىنا قالارىمىزدى. وكىنىشتەن وزەگىم ءورت بولىپ جىلايتىنى..((
ساناسى قۇلدانعان اتقامىنەرلەر ساعان قورعان بولا المادى دالا جەزكيىكتەرى.!!!
رافحات جۇمابايدىڭ ۆكونتاكتە جازباسىنان…
پىكىر قالدىرۋ