قر قك اۋە قورعانىسى كۇشتەرىنە – 17 جىل
kerey.kz
1 ماۋسىم كۇنى قر قك اۋە قورعانىسى كۇشتەرىنىڭ جەكە قۇرامى 17 جىلدىعىن اتاپ وتۋدە. قارۋلى كۇشتەردى جەتىلدىرۋ بويىنشا ستراتەگيالىق مىندەتتى ىسكە اسىرۋ ماقساتىندا 1998 جىلعى 1 ماۋسىمدا اۋە شابۋىلىنا قارسى قورعانىس اسكەرلەرى مەن اسكەري-اۋە كۇشتەرى قازاقستان رەسپۋبليكاسى قارۋلى كۇشتەرىنىڭ اۋە قورعانىسى كۇشتەرى بولىپ قايتا قۇرىلدى.
بۇل – ەلىمىزدىڭ قارۋلى كۇشتەرىن قايتا قۇرۋ اياسىندا جۇزەگە اسىرىلدى.
اشقق مەن ااك بىرىگۋىمەن جەدەل جانە جاۋىنگەرلىك دايارلىقتىڭ دەڭگەيىن كوتەرۋ ماقساتىندا ازىرلەنگەن ناقتى ۇيىمدىق جانە ادىستەمەلىك ءىس-شارالار ناتيجەسىندە ەكونوميكالىق شىعىنسىز ەسەپتوپتار مەن ەكيپاجداردىڭ جاتتىقتىرىلۋ جانە جاۋىنگەرلىك ازىرلىك دەڭگەيىن ساقتالدى. بۇل رەتتە كاسىبي دايارلىققا، تەحنيكادا جاتتىعۋعا، وقۋ ترەناجەرلارىن پايدالانۋعا ۇلكەن كوڭىل بولىنە باستادى. مۇڭىڭ بارلىعى شامالى ماتەريالدىق شىعىنمەن اسكەري مامانداردى دايىنداۋعا مۇمكىندىك بەرەدى.
وسىنى نەگىزگە الا وتىرىپ، اۋە قورعانىسى كۇشتەرىنىڭ باسىمدىق مىندەتتەرى جاۋىنگەرلىك كەزەكشىلىكتى اتقارۋ بولىپ تابىلادى. تاڭنىڭ اتىسىمەن، كۇننىڭ باتىسىمەن، كەز كەلگەن اۋا رايىندا ۇشقىشتار مەن زەنيتتىك-تەحنيكالىق ەسەپتوپتار ءبىزدىڭ حالقىمىزدىڭ بەيبىت، قاجىرلى ەڭبەگىن كۇزەتۋ جانە قورعاۋ بويىنشا قويىلعان جاۋىنگەرلىك تاپسىرمانى ورىنداۋعا ءازىر.
اۋە قورعانىسى كۇشتەرىنىڭ باسشىلىعىمەن مەمەلكەتتىڭ اسكەري قاۋىپسىزدىگىن نىعايتۋ مەن قورعاۋعا، ولاردىڭ قۇرىلىمىن قايتا قرۋ مەن وڭتايلاندىرۋعا باعىتتالعان ەلەۋلى جۇمىس اتقارىلدى.
اۋە قورعانىسى كۇشتەرى كەز كەلگەن اۋە نىسانالارىن، سونداي-اق زەنيتتىك-زىمىراندىق كەشەندەردى جويۋعا قابىلەتتى اۋە جانە جەرۇستى نىسانالاردى جويۋدىڭ زاماناۋي قۇرالدارىمەن جابدىقتالعان. ولار: ميگ-31, ميگ-29, سۋ-27 جانە سۋ-30سم ۇشاقتارى. اتالعان كەشەن بارلىق قولدانىلاتىن بيىكتىك پەن جىلدامدىق دياپازونىنداعى قازىرگى زامانعى ۇشاقتاردى، ستراتەگيالىق قاناتتى زىمىرانداردى جويۋعا قابىلەتتى.
بۇگىن اۋە قورعانىسى كۇشتەرىندە ءىرى تاكتيكالىق وقۋ-جاتتىعۋلاردا، پراكتيكالىق ساباقتار مەن پوليگونداردا وزدەرىنىڭ شەبەرلىكتەرىن بىرنەشە مارتە كورسەتكەن دايىندالعان جوعارى شەبەر اۆياتسيالىق ماماندار، راديوتەحنيكالىق جانە زەنيتتىك-زىمىراندىق ەسەپتوپتار جاۋىنگەرلىك كەزەكشىلىكتى اتقارۋدا.
بۇگىن اۋە قورعانىسى كۇشتەرىنىڭ جەكە قۇرامى وزدەرىنىڭ قاجىرلى ەڭبەگىمەن قازاق باتىرلارىنىڭ، مايدانگەرلەردىڭ، اتالارىمىز بەن اكەلەرىمىزدىڭ داڭقتى ءداستۇرىن كوبەيتىپ كەلە جاتقانىن سەنىممەن ايتۋعا بولادى.
قازاقستان رەسپۋبليكاسىنىڭ قارۋلى كۇشتەرى مەن اۋە قورعانىسى كۇشتەرى ءبىزدىڭ تاۋەلسىزدىگىمىزدىڭ 23 جىلى ىشىندە قاجەتتى تاجىريبە جيناقتاعانىن، ەلىمىزدىڭ اسكەري قاۋىپسىزدىگىن قامتاماسىز ەتۋ مۇددەسىندە جانە دوستاستىق شەڭبەرىندە وزدەرىنىڭ جاۋىنگەرلىك جانە جۇمىلدىرۋ ازىرلىگىن جەتىلدىرۋدى جالعاستىرۋدا.
قر قم باسپا ءسوز قىزمەتى
پىكىر قالدىرۋ