قىزىلوردادا مەملەكەتتىك رامىزدەر كۇنىنە وراي 500 ادامنىڭ قاتىسۋىمەن شەرۋ ءوتتى (فوتو)
kerey.kz
قازاقپارات – بۇگىن مەملەكەتتىك رامىزدەرى كۇنى. ايتۋلى مەرەكەگە وراي قىزىلوردادا تاڭنان باستاپ سۋرەتشىلەر بايقاۋى، جاستاردىڭ شەرۋى، ۆەلو، اۆتوشەرۋلەر، فلەش-موبتار وتكىزىلدى.
مەرەكە مەملەكەتتىك گيمندى ءبىر مەزگىلدە ورىنداۋدان باستالدى. مۇنان سوڭ ى.جاقاەۆ ەسكەرتكىشى جانىندا «بەينەلەۋ ونەرى» ۇيىرمەسى بالالارىنىڭ قاتىسۋىمەن «ەل رامىزدەرى – اسىل مۇرامىز» اتتى جاس سۋرەتشىلەر بايقاۋى ءوتتى. جاس سۋرەتشىلەر تاۋەلسىزدىكتىڭ تۇعىرلىعىن ايقىندايتىن سۋرەتتەر سالىپ، ۇزدىك تۋىندىلار انىقتالدى. «نۇر وتان» پارتياسىنىڭ قالالىق فيليالى مەن قالالىق فراكتسيا مۇشەلەرىنىڭ قولداۋىمەن «مەنىڭ وتانىم – قازاقستان» اتتى جاس ونەرپازداردىڭ پاتريوتتىق اندەر بايقاۋى ۇيىمداستىرىلدى. وسى مەزەتتە بەلسەندى جاستار «جىبەك جولى» ساۋدا ورنىندا «مەملەكەتتىك رامىزدەر – مەنىڭ ماقتانىشىم» اتتى فلەش-موب وتكىزدى.
قىزىلوردالىقتار ءاربىر شارادا مەملەكەتتىك رامىزدەر – ەلىمىزدىڭ ەگەمەندىگى مەن تاۋەلسىزدىگىن الەمگە تانىتاتىن ءارى مەملەكەتىمىزدىڭ وتكەنى مەن بۇگىنىن جانە بولاشاعى اراسىنداعى ساباقتاستىقتىڭ جارقىن بەينەسى ەكەندىگىن كورسەتتى.
راسىندا قاي كەزەڭدە بولماسىن مەملەكەتتىك رامىزدەر قوعامنىڭ ساياسي مادەنيەتىنىڭ ءبىر بولىگى بولا وتىرىپ، ۇلتتىق نامىس پەن وتانسۇيگىشتىكتى قالىپتاستىرۋشى ماڭىزدى قۇرال ءرولىن اتقارىپ كەلەدى. حالقىمىزدىڭ رۋحىن، ۇلتتىق سالت-ساناسىن، قاھارماندىعى مەن دانالىعىن، بولاشاققا ءۇمىتى مەن ارمان-تىلەگىن جەتكىزەتىن ەرەكشە قۇندى بەلگىلەرىمىز.
سىر وڭىرىندەگى شارالار مۇنىمەن تولاستامادى. شارا كەشكىلىك قازىبەك بي مەن ايتەكە بي كوشەلەرىنەن ورتالىق الاڭعا دەيىن ءجۇرىپ وتكەن «ەلدىگىمنىڭ بەلگىسى» اتتى جاستار شەرۋىنە ۇلاستى. شەرۋدى قر ۇقك شەكارا قىزمەتى «وڭتۇستىك» وڭىرلىك باسقارماسىنىڭ 2019 اسكەري ءبولىمىنىڭ وركەسترى باستاپ ءجۇردى. جالپى، قالاداعى كاسىپورىندار مەن مەكەمەلەر، اسكەري بولىمشەلەر، جاستار ۇيىمدارىنىڭ ماماندارى، بارلىعى 500-گە جۋىق ادام قاتىستى.
بۇعان قوسا، ورتالىق كوشەلەردە 15 اۆتوكولىك پەن 50 ۆەلوشاباندوزدار قاتىسقان ۆەلو-اۆتوشەرۋ ءوتتى. مۇنان سوڭ مەرەكەلىك شارا ورتالىق الاڭدا جالعاسىپ، جەرگىلىكتى ونەرپازداردىڭ قاتىسۋىمەن «مەنىڭ قازاقستانىم» اتتى مەرەكەلىك شارامەن جالعاستى.
اۆتور: ەلۋباي اۋەزوۆ
inform.kz
پىكىر قالدىرۋ