Qızılordada memlekettik rämizder künine oray 500 adamnıñ qatısuımen şeru ötti (FOTO)
kerey.kz
QazAqparat – Bügin Memlekettik rämizderi küni. Aytulı merekege oray Qızılordada tañnan bastap suretşiler bayqauı, jastardıñ şerui, velo, avtoşeruler, fleş-mobtar ötkizildi.
Mereke Memlekettik Gimndi bir mezgilde orındaudan bastaldı. Mwnan soñ I.Jaqaev eskertkişi janında «Beyneleu öneri» üyirmesi balalarınıñ qatısuımen «El rämizderi – asıl mwramız» attı jas suretşiler bayqauı ötti. Jas suretşiler täuelsizdiktiñ twğırlığın ayqındaytın suretter salıp, üzdik tuındılar anıqtaldı. «Nwr Otan» partiyasınıñ qalalıq filialı men qalalıq frakciya müşeleriniñ qoldauımen «Meniñ Otanım – Qazaqstan» attı jas önerpazdardıñ patriottıq änder bayqauı wyımdastırıldı. Osı mezette belsendi jastar «Jibek jolı» sauda ornında «Memlekettik rämizder – meniñ maqtanışım» attı fleş-mob ötkizdi.
Qızılordalıqtar ärbir şarada Memlekettik rämizder – elimizdiñ egemendigi men täuelsizdigin älemge tanıtatın äri memleketimizdiñ ötkeni men büginin jäne bolaşağı arasındağı sabaqtastıqtıñ jarqın beynesi ekendigin körsetti.
Rasında qay kezeñde bolmasın memlekettik rämizder qoğamnıñ sayasi mädenietiniñ bir böligi bola otırıp, wlttıq namıs pen otansüygiştikti qalıptastıruşı mañızdı qwral rölin atqarıp keledi. Halqımızdıñ ruhın, wlttıq salt-sanasın, qaharmandığı men danalığın, bolaşaqqa ümiti men arman-tilegin jetkizetin erekşe qwndı belgilerimiz.
Sır öñirindegi şaralar mwnımen tolastamadı. Şara keşkilik Qazıbek bi men Äyteke bi köşelerinen Ortalıq alañğa deyin jürip ötken «Eldigimniñ belgisi» attı jastar şeruine wlastı. Şerudi QR WQK Şekara qızmeti «Oñtüstik» Öñirlik basqarmasınıñ 2019 äskeri böliminiñ orkestri bastap jürdi. Jalpı, qaladağı käsiporındar men mekemeler, äskeri bölimşeler, jastar wyımdarınıñ mamandarı, barlığı 500-ge juıq adam qatıstı.
Bwğan qosa, ortalıq köşelerde 15 avtokölik pen 50 veloşabandozdar qatısqan velo-avtoşeru ötti. Mwnan soñ merekelik şara Ortalıq alañda jalğasıp, jergilikti önerpazdardıñ qatısuımen «Meniñ Qazaqstanım» attı merekelik şaramen jalğastı.
Avtor: Elubay Äuezov
inform.kz
Pikir qaldıru