تاعى ءبىر وقۋ جىلىن ارتتا قالدىرعان قوياندى ورتا مەكتەبىنىڭ وقۋشىلارى اراسىندا 11 سىنىپ ءبىتىرۋشى تۇلەكتەر التىن ۇيالارىمەن قيماي-قيماي قوشتاستى. ون ءبىر جىل بويى توككەن تەر مەن ەڭبەكتىڭ اقتالار ءساتى – ۇبت ەكەنى انىق. قوياندى ورتا مەكتەبىندە تۇڭعىش «التىن بەلگى» يەگەرى سۇڭقار مادەنيەتقىزى اتا-اناسىنىڭ، ۇستازدارىنىڭ ءۇمىتىن اقتاپ، ءوز ءبىلىمىن قورعاپ شىقتى.

1996 جىلى 10 قاراشادا قحر-دا دۇنيەگە كەلگەن سۇڭقار كوزدەگەن ماقساتىنا جەتۋ ءۇشىن ەرىنبەي وقىپ، ىزدەنىپ، كوپتەگەن بايقاۋلارعا قاتىسىپ، جۇلدەلەرمەن ورالعان. تۇركىستان قالاسىندا وتكەن رەسپۋبليكالىق ياساۋي وليمپياداسىنان ءۇشىنشى ورىن الىپ، ق.ا.ياساۋي اتىنداعى قازاق-تۇرىك ۋنيۆەرسيتەتىنىڭ گرانتىن قانجىعاعا بايلاپ قايتقان ەدى.

«التىن بەلگى» يەگەرى اسقاق ارمانىنا قانات بىتىرگەن مەكتەپ باسشىسى ءجادي شاكەنۇلى مەن اياۋلى ۇستازدارىنا العىسىنىڭ شەكسىز ەكەنىن ايتتى. بيىل وسى مەكتەپتى ءبىتىرۋشى تۇلەكتەردىڭ كوپشىلىگى جوعارعى ۇپايلار جيناپ، مەكتەپتىڭ ابىرويىن اقتاپ شىقتى.