قر قك باس سەرجانتى اقش-تاعى سەرجانتتاردىڭ العاشقى كوپۇلتتى سيمپوزيۋمىنا قاتىستى
kerey.kz
تەحاس شتاتىنداعى اقش ارمياسى سەرجانتتارىنىڭ باس اكادەمياسىندا سەرجانتتاردىڭ تۇڭعىش كوپۇلتتىق سيمپوزيۋمى ءوتتى. وعان قر قك باس سەرجانتى – قر قك بش سەرجانتتار قۇرامىمەن جۇمىس جونىندەگى باسقارماسىنىڭ باستىعى شەبەر-سەرجانت تەمىربەك حالىقوۆ قاتىستى.
سيمپوزيۋم ءوزارا قارىم-قاتىناستى كۇشەيتۋگە جانە سەرىكتەس مەملەكەتتەر اراسىندا ءوزارا ءىس-قيمىلدىڭ تيىمدىلىگىن جاقسارتۋعا باعىتتالدى. «ءوزىنىڭ ەلىن مىقتى ەتەتىندەي ەتىپ ارقايسىسى جانە ءبىزدى قوسقاندا كەرەگىن الدى دەپ ۇمىتتەنەمىن»، – دەدى اقش ارمياسى ورتالىق قولباسشىلىعىنىڭ باس سەرجانتى رونني كيللەي. ءىس-شاراعا ەگيپەت، يوردانيا، ليۆان، قازاقستان، ساۋد ارابياسى، بىرىككەن اراب امىرلىكتەرى مەن وزبەكستاننىڭ اسكەري قىزمەتشىلەرى قاتىستى.
ءار ەلدەن قاتىسۋشىلار سەرجانتتار قۇرامىنىڭ جۇيەسى بويىنشا وي-پىكىرلەرىمەن ءبولىستى. «قازاقستاننىڭ قازىرگى سەرجانتتار قۇرامى كورپۋسى 20 جىل بۇرىن نەگىزىن قالادى. وسى ۋاقىت ىشىندە ونى دامىتۋ ءۇشىن ەلەۋلى جۇمىس جۇرگىزدىك. وزگە ەلدەردىڭ تاجىريبەسى نەگىزىندە الىنعان اقپاراتتى ەلگە ورالعان سوڭ قارۋلى كۇشتەرىمىزدە قولدانا الامىز»، – دەپ قر قك باس سەرجانتى – قر قك بش سەرجانتتار قۇرامىمەن جۇمىس جونىندەگى باسقارماسىنىڭ باستىعى شەبەر-سەرجانت تەمىربەك حالىقوۆ اتاپ ءوتتى. ەستەرىڭىزگە سالا كەتسەك، قازاقستان رەسپۋبليكاسى قارۋلى كۇشتەرىنىڭ سەرجانتتارى ماۋسىم ايىندا وتەتىن «دالا قىرانى-2015» كوپۇلتتى وقۋ-جاتتىعۋ بارىسىندا وزدەرىنىڭ داعدىلارىن كورسەتۋ مۇمكىندىگىن الاتىن بولادى.
قازاقستان رەسپۋبليكاسى قورعانىس مينيسترلىگى باسپا ءسوز قىزمەتى
پىكىر قالدىرۋ