QR QK Bas serjantı AQŞ-tağı serjanttardıñ alğaşqı köpwlttı simpoziumına qatıstı
kerey.kz
Tehas ştatındağı AQŞ armiyası serjanttarınıñ bas akademiyasında serjanttardıñ twñğış köpwlttıq simpoziumı ötti. Oğan QR QK Bas serjantı – QR QK BŞ serjanttar qwramımen jwmıs jönindegi basqarmasınıñ bastığı şeber-serjant Temirbek Halıqov qatıstı.
Simpozium özara qarım-qatınastı küşeytuge jäne seriktes memleketter arasında özara is-qimıldıñ tiimdiligin jaqsartuğa bağıttaldı. «Öziniñ elin mıqtı etetindey etip ärqaysısı jäne bizdi qosqanda keregin aldı dep ümittenemin», – dedi AQŞ armiyası Ortalıq qolbasşılığınıñ bas serjantı Ronni Killey. İs-şarağa Egipet, Iordaniya, Livan, Qazaqstan, Saud Arabiyası, Birikken Arab Ämirlikteri men Özbekstannıñ äskeri qızmetşileri qatıstı.
Är elden qatısuşılar serjanttar qwramınıñ jüyesi boyınşa oy-pikirlerimen bölisti. «Qazaqstannıñ qazirgi serjanttar qwramı korpusı 20 jıl bwrın negizin qaladı. Osı uaqıt işinde onı damıtu üşin eleuli jwmıs jürgizdik. Özge elderdiñ täjiribesi negizinde alınğan aqparattı elge oralğan soñ Qarulı Küşterimizde qoldana alamız», – dep QR QK bas serjantı – QR QK BŞ Serjanttar qwramımen jwmıs jönindegi basqarmasınıñ bastığı şeber-serjant Temirbek Halıqov atap ötti. Esteriñizge sala ketsek, Qazaqstan Respublikası Qarulı Küşteriniñ serjanttarı mausım ayında ötetin «Dala qıranı-2015» köpwlttı oqu-jattığu barısında özderiniñ dağdıların körsetu mümkindigin alatın boladı.
Qazaqstan Respublikası Qorğanıs ministrligi baspa söz qızmeti
Pikir qaldıru