مادەنيەت ءمينيسترى قازاقتى ماسقارا ەتەتىن فيلمدەردى اتادى
kerey.kz
تەاتر، ونەر قىزمەتى جانە كينووندىرىس بويىنشا كوركەمدىك كەڭەستەردىڭ العاشقى وتىرىسىندا مادەنيەت جانە سپورت ءمينيسترى ارىستانبەك مۇحامەديۇلى قازاقتى ماسقارالاعان فيلمدەردى اتادى.
”حوزياەۆا” بولسىن، “ۋروكي گارمونيا” بولسىن، “ريەلتور” بولسىن كورگەن شىعارسىزدار، سىن كوتەرمەيدى. ەندى ادامدا نامىس بولۋى كەرەك قوي. قازاق حالقىن ماسقارا قىلىپ كورسەتۋ كىمگە كەرەك؟ نەگە بىزدە ءال-فارابي، ءشامشى قالداياقوۆ تۋرالى بىردە-ءبىر ءفيلمىمىز جوق. باۋىرجان مومىشۇلى تۋرالى ءبىر شاعىن سەريال تۇسىردىك. نەگە كوركەم فيلم تۇسىرمەيمىز؟”، – دەدى مينيستر.
وسى رەتتە مۇحامەديۇلى “قازاقفيلم” كينوستۋدياسىنىڭ باس رەداكتورى ديدار امانتايعا ۇلتتىق نامىسىمىزدى قورعاۋىمىز قاجەتتىگىن ەسكەرتتى.
“وسى جەردە كوپتەگەن دراماتۋرگ وتىر. سىزدەرگە ءوتىنىشىم بار، ەگەر قىزىقتى تاقىرىپتارىڭىز بولسا “قازاقفيلمنىڭ” ەسىگى ارقاشان اشىق. “قازاقفيلم” جەكەلەگەن ادامداردىڭ مەنشىگى ەمەس، بەلگىلى ءبىر ادامداردى جيناپ العان. سولار عانا جاڭا فيلمدەر تۇسىرەدى. ال رەجيسسەرلەرگە (قازاقفيلمگە) جول جوق. بۇلاي بولماۋى كەرەك. سول رەجيسسەرلەردىڭ جىل سايىن تۇسىرگەن فيلمدەرى سىن كوتەرمەيدى. ءتىپتى، ول رەجيسسەرلەردى بىزدەر بىلمەيمىز دە”،- دەدى ول.
قازاقپارات
پىكىر قالدىرۋ