قازاقستان توپتىق كەزەڭنىڭ العاشقى تۋرىندا كورشى قىرعىز ەلىنىڭ ارتىستەرىمەن كەزدەستى. بۇل ويىن 2:2 ەسەبىمەن تەڭ اياقتالدى. ەندى بۇگىن وڭتۇستىك كورەيا جۇلدىزدارىمەن كەزدەسەدى.

قازاقستان قۇراماسىنىڭ قاقپاسىن بۇرىن ءوزى دە كاسىبي فۋتبولشى بولعان ابدۋلكاريم كاريموۆ كۇزەتۋدە. سونداي-اق كەز كەلگەن ۋاقىتتا ونى الماستىرۋعا RIN’GO توبىنىڭ ءانشىسى باتىر باينازاروۆ پەن «تارتۋ» مۇشەسى رايىم تىنىقوۆ دايىن.

قورعانىس شەبىندە ەرلان ءالىموۆ، مەلس ساعاتۇلى، اباي جاڭسارباەۆ، مەدەت كوجەكباەۆ، عادىلبەك جاناي، قازبەك قوجاحمەتوۆ، كەنجەبەك ءجانابىلوۆ، ارمان قونىرباەۆ ەۆگەني گارتۋنگ ونەر كورسەتەدى.

جارتىلاي قورعانىستا سۇلتان كۇنتۋعان، عالىمجان ارىستانبەكۇلى، ايان بورىباەۆ، جۇبانىش جەكسەنۇلى، ءادىلجان وماروۆ، داۋرەن سەيىتجان، تاۋەكەل ءمۇسىلىم، ادىلبەك سارباەۆ، يلياس حاروۆ بار.

شابۋىل شەبىن كوماندا كاپيتانى مۇقاسان شاحزاداەۆ نۇرلان قونىسباەۆ، رىسبەك اتاشەۆ، ساكەن مايعازيەۆ، مەيرامبەك بەسپاەۆ دانيار وتەگەن ۆالەري يابلوچكين قۇرايدى.

العاشقى ويىنعا «مۋزارت» توبىنىڭ مۇشەلەرى ساكەن مايعازيەۆ، مەيرامبەك بەسپاەۆ جانە نۇرجان كەرمەنباەۆ سياقتى تانىمال انشىلەر قاتىسا المادى. ەندى، ولار بۇگىن وڭتۇستىك كورەيامەن بولاتىن ويىندا الاڭعا شىعادى دەپ كۇتىلۋدە.

الەم چەمپيوناتىنا جالپى سانى 16 كوماندا قاتىسىپ جاتىر.

ا توبى: رۋمىنيا، نيدەرلاندى، سلوۆاكيا، ۇلىبريتانيا.
B توبى: قىرعىزستان، گەرمانيا، قازاقستان، وڭتۇستىك كورەيا
س توبى: رەسەي، يتاليا، ەستونيا، سلوۆەنيا.
D توبى: يزرايل، بەلورۋسسيا، تۇركيا، جاپونيا.

بۇل ماتچتاردى رەسەيدىڭ «ناش فۋتبول» ارناسى تىكەلەي ەفيردەن كورسەتىپ جاتىر. سونداي-اق قازاقستاننىڭ «جەتىنشى ارناسى» قايتالاۋىن كورسەتەدى.

ايتا كەتەيىك، جۇلدىزدار اراسىنداعى الەم چەمپيوناتى وسىمەن بەسىنشى رەت ۇيىمداستىرىلىپ جاتىر. بۇل جارىستا ارتىستەر فۋتبول ويناۋمەن شەكتەلىپ قالمايدى. قايىرىمدىلىق شارالرى ۇيىمداستىرىلادى. قولدارى بوس كەزدە ءار ءتۇرلى كونتسەرتتىك شارالارعا قاتىسادى. ودان تۇسكەن قاراجات ناۋقاس بالالاردى ەمدەۋگە جۇمسالادى.

baq.kz