قازاقستاندىق كاسىپكەر تالعات بايتازيەۆتىڭ ۇلى كيەۆ تۇرعىندارىن ءوزىنىڭ سۋداي جاڭا قىمبات كولىگىمەن تاعى دا تاڭ قالدىردى. وسى جولى ول Lamborghini Carbonado كولىگىن ساتىپ العان ەكەن. كولىكتىڭ قوزعالتقىش كۇشى – 1250 ا.ك.

كيەۆتە كونستيتۋتسيا كۇنىندە كوشە بويىمەن جۇيتكىگەن Lamborghini Carbonado كوپشىلىك نازارىنا ىلىكتى. بىرەگەي سۋپەركاردى Mansory شەبەرحاناسى شىعارعان. كولىكتىڭ اتاۋى – Lamborghini Mansory Aventador LP1250-4 Carbonado Apertos Roadster دەپ حابارلادى Topgir.com.

قۇنى 1,25 ملن ەۋرو تۇراتىن كولىكتىڭ قوزعالتقىش كۇشى – 1250 ا.ك. سۋپەركار ساعاتىنا ەڭ كوبى 380 شاقىرىمعا دەيىن جۇيتكي الادى. ءنومىر بەلگىسىنەن كولىك قازاق مۇناي ماگناتىنىڭ ۇلىنا تيەسىلى ەكەنىن اڭداۋعا بولادى. 26 جاستاعى ميحايل بايتازيەۆتىڭ قىمبات كولىكتەرىن كيەۆتە ءجيى كەزدەستىرە الاسىز. سەبەبى قالتالى ازامات كيەۆ تۇرعىنىنا ۇيلەنگەن.

ءميحايلدىڭ اكەسى بالاسىنىڭ قىمبات كولىكتەرمەن جۇرۋىنە قاتىستى تۇسىنىكتەمە بەردى.

“ول وتىزدا. ۋكراينادا تۇرىپ كەلە جاتقانىنا بىرنەشە جىل بولدى. مەنىڭ ۇلىم ميحايل بيرجالىق ساۋدادان اقشا تابادى. ونىڭ دوستارى كوپ. سولاردىڭ ءبىرى – قىمبات كولىكتەرى بار گاراجدىڭ يەسى. ول ۇلىما كەيبىرەۋلەرىن جالعا بەرىپ تۇرادى”، – دەپ ءتۇسىندىردى تالعات بايتازيەۆ بۇل جاعدايدى.