عۇندار بۇگىنگى قازاقتىڭ كەرەي، ۋاق، سىرگەلى سەكىلدى رۋلارىمەن تۋىس بولىپ شىقتى
kerey.kz
ەجەلگى عۇندار بۇگىنگى قازاقتىڭ كەرەي، ۋاق، سىرگەلى سەكىلدى رۋلارىمەن تۋىس بولىپ شىقتى. بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا قر ۇلتتىق كىتاپحاناسىنىڭ ديرەكتورى الىبەك اسقاروۆ عالىمدار زەرتتەۋىنە سۇيەنە وتىرىپ، وسىنداي مالىمەتتى العا تارتتى. ەسكە سالا كەتەيىك، بريفينگ «ەلدىڭ تاريحى مەن مəدەنيەتى – بولاشاعى تۇتاس ۇلت» تاقىرىبىندا وتكەن بولاتىن.
الىبەك اسقاروۆتىڭ ايتۋىنا قاراعاندا، زەرتتەۋشى عالىمدار قازاق حالقىنىڭ دنق-سىن (دنق – دەزوكسيريبو نۋكلەين قىشقىلى، گەنەتيكالىق اقپاراتتى تاسىمالداۋشى مولەكۋلالار، ءتىرى اعزاداعى گەنەتيكالىق اقپاراتتىڭ ۇرپاقتان-ۇرپاققا بەرىلۋىن،ساقتالۋىن، دامۋى مەن قىزمەتىن قامتاماسىز ەتۋىنە جاۋاپتى نۋكلەين قىشقىلىنىڭ ءبىرى – رەد.) ەجەلگى جاۋىنگەر حالىق حۋننۋ (عۇن) مەن اريلەردىڭ دنق-سىمەن سالىستىرعان ەكەن.
«ناتيجەسىندە وسى ءۇش حالىقتىڭ ءوزارا جاقىن تۋىستىق بايلانىسى بارىن انىقتاعان. ناقتىلاپ ايتساق، وسىدان 4000 جىل بۇرىن ءومىر سۇرگەن اندرونوۆتاردىڭ گەنى قازاقتاردىڭ قازىرگى تابىن رۋىندا كەزدەسكەن. دۇنيە جۇزىندە ەڭ العاشقى بولىپ جابايى جىلقىنى قولعا ۇيرەتىپ، دوڭگەلەكتى اربانى ويلاپ تاپقان دا وسى اريلەر بولعان. ال «حۋننۋ»، كەيىننەن عۇن اتانعان حالىق ءبىزدىڭ قازىرگى كەرەي، ۋاق، سىرگەلى رۋلارىمەن تۋىس بولىپ شىقتى»، – دەيدى Əلىبەك اسقاروۆ.
بۇل عانا ەمەس، ونىڭ ايتۋىنشا، ەجەلدە الىپ يمپەريا قۇرعان قيداندار قازىرگى قازاقتىڭ نايماندارىنىڭ اتا-تەگى ەكەنى دە ايتىلىپ ءجۇر. ال عالىمدار مۇنداي قورىتىندىعا قىتايدىڭ سولتۇستىگىنەن تابىلعان ەگەن گول، ءدۇرلى ناس، بار كول قورىمدارىندا جەرلەنگەن جاۋىنگەرلەردىڭ دنق-سىن زەرتتەۋ ناتيجەلەرى ارقىلى ۇيىعان ءتارىزدى.
اۆتور: قانات مامەتقازىۇلى
inform.kz
پىكىر قالدىرۋ