جازدىڭ سوڭعى ايىنىڭ باستالۋىنا بىرەر كۇن قالعانىمەن ءىرى قالالارداعى جەمىس پەن كوكونىستىڭ باعاسى ارزانداي قويعان جوق. ولاردىڭ قازىرگى ۋاقىتتاعى قۇنىن ءبىلۋ ءۇشىن NUR.KZ ءتىلشىسى كوتەرمە ساۋدا ورتالىقتارى مەن بازارلارداعى، ساۋدا ماركەتتەرىندەگى باعالاردى سالىستىرىپ كوردى.

الماتىداعى ەڭ ءىرى ازىق-تۇلىك “التىن وردا” بازارىنداعى باعا، ارينە قالا ورتالىعىنداعى باعالاردان الدەقايدا ارزان. مىسالى، مامىر ايىنىڭ اياعىنان باستاپ حالىق كوپتەپ تۇتىناتىن جۇگەرى سوبىعىنىڭ باعاسى 20 تەڭگەدەن باستالادى ەكەن.

بۇل شارۋالاردىڭ شيكى جۇگەرىگە ناقتى بەلگىلەپ قويعان باعاسى ەمەس. بازارداعى ساۋداعا قاراي وسى مەزگىلدە ونىڭ باعاسى تاعى 20 تەڭگەگە كوتەرىلۋى دە مۇمكىن.

ال بازار ساۋداگەرلەرى ەگىنشىلەردىڭ وزىنەن العان جۇگەرىنىڭ كوتەرمە باعاسىنا 15-30 تەڭگە ارالىعىندا قوسىپ، مىناداي ەتىپ دانالاپ ساۋدالايدى.

قايناتىلعان جۇگەرى سوبىعىنىڭ ءوزى الماتىدا  50 تەڭگەدەن باستالادى. ارينە بۇل بازارداعى باعا. ويىن-ساۋىق ورتالىقتارىندا تۋرا وسىنداي جۇگەرى سوبىعى 400 تەڭگەگە دەيىن كوتەرىلەدى.

جاز مەزگىلىنىڭ سوڭعى ايلارىندا قاربىزعا دەگەن سۇرانىس كوبەيە تۇسەدى ەكەن. ونى ساۋداگەرلەردىڭ ءوزى دە جاقسى بىلەدى. بازارداعى قاربىزدىڭ كەلىسى 20-30 تەڭگە ارالىعىندا. بۇل الىپساتارلاردىڭ بەلگىلەگەن باعاسى. ال قاۋىننىڭ ءبىر كەلىسى 35 تەڭگە.

الىپساتارلار 2-3 كۇننەن بەرى ساتىلماي جاتقان قاربىزداردىڭ داناسىن 100 تەڭگەدەن ساتىپ وتىر.

ال قالانىڭ ورتالىق كوشەلەرىندە ساتۋشىلار قاربىزدى وسى بازاردان تاسىمالدايدى.

قىسقا جازدىڭ ءدامىن دايىندايتىندار حوش ءىستى بۇرىشتى كوپ پايدالانادى. كوتەرمە بازارداعى ونىڭ  باعاسى 45 تەڭگەدەن باستالادى. بۇل باعانى دا الىپساتارلار بەلگىلەگەن.

ال ساۋدا ماركەتتەرىندەگى بۇرىشتىڭ باعاسى – 105 تەڭگە.

كوتەرمە ساۋدا ماركەتىندەگى قاۋىننىڭ كەلىسى بازارداعى باعادان ەكى ەسە قىمبات ەكەن.

قاربىز 39 تەڭگەدەن ساتىلىپ جاتىر.

بازار ماڭىنداعى جول جيەگىندە قاربىز باعاسى 40 تەڭگە بولسا، قاۋىننىڭ كەلىسى 70 تەڭگەدەن ەكەن.

تاس جولداردىڭ بويىنداعى قاربىز باعاسى 50 تەڭگەدەن باستالادى. ال قاۋىننىڭ كەلىسى – 80 تەڭگە. قيار مەن قىزاناقتىڭ باعاسى بازارلاردا 50 تەڭگەدەن باستالسا، كوتەرمە ساۋدا ماركەتتەرىندە قىزاناق 285, ال قيار 95 تەڭگەدەن ساتىلىپ جاتىر.

دەرەككوز: Nur.kz