ەسەپ كوميتەتى پارلامەنتتەگى ءبىراز بىلىقتىڭ بەتىن  اشتى. تەكسەرۋ جۇرگىزگەن كوميسسيانىڭ مالىمەتىنشە، سەنات پەن ءماجىلىس  بيۋدجەتتىڭ 3 ميللياردقا جۋىق تەڭگەسىن زاڭسىز جۇمساپ، مەملەكەتكە قىرۋار شىعىن كەلتىرگەن.

بۇل تۋرالى كتك ارناسى حابارلايدى.

اسىرەسە،  دەپۋتاتتار قىزمەتتىك كولىكتەرىمەن وڭدى-سولدى قىدىرىپتى.ءسويتىپ، 74 ميلليون تەڭگەنى دالاعا شاشقان. ايماقتارداعى جاعداي دا ءماز ەمەس.

ەسەپ كوميتەتىنىڭ مالىمەتىنشە، وبلىس، اۋدان، اۋىلداردا  ميللياردتار يگەرىلمەي قالعان. سونىڭ كەسىرىنەن ونداعان مىڭ وتباسى باسپاناسىز قاڭعىپ دالادا  ءجۇر، ال قانشاما اۋىل اۋىز سۋعا جارىماي وتىر.

قايتا-قايتا كەڭەسىپ، قوبالجىپ جۇرگەن، ىم-جىمى ءبىر شەنەۋنىكتەر شىعىس قازاقستاننان كەلگەن. ولار ەسەپ كوميتەتىنىڭ الدىندا ەمتيحان تاپسىرماق. اتقامىنەرلەر قازىنانىڭ ءار تيىنى قالاي جۇمسالعانى  جانە قانشا قارجىنى قۇردىمعا جىبەرگەندەرىن ءتۇسىندىرىپ بەرۋى ءتيىس. ال ايماق بويىنشا ءراسۋا بولعان اقشا از ەمەس ەكەن.

“شىعىس قازاقستان وبلىسى بويىنشا 41 ميلليارد تەڭگەنىڭ  زاڭسىز جۇمسالعانى  انىقتالدى. ال بيۋدجەتتىڭ  3 ميلليارد تەڭگەسى  نەگىزسىز يگەرىلگەن. جالپى، وبلىس جىل بويى 117  ميلليارد تەڭگە يگەرگەن”، – دەدى ەسەپ كوميتەتىنىڭ مۇشەسى الەكساندر گوريانينوۆ.

شىعىس قازاقستانداعى اۋىلدار اۋىز سۋعا جارىماي وتىر. بۇل سالادا دا شەنەۋنىكتەر بيۋدجەتتەن بولىنگەن اقشانى ماقساتسىز جۇمساپ، جۇرتتى  شولدەتىپ وتىر.

سونىڭ كەسىرىنەن ريددەر قالاسىنداعى 60 پاتەرلى 3 ءۇيدىڭ قۇرىلىسى ۋاقىتىلى اياقتالماي، ونداعان وتباسى باسپاناسىز دالادا قاڭعىپ ءجۇر.  ول ازداي، ءدال وسى قالانىڭ اتقامىنەرلەرى  مۇلدەم سالىنىپ بىتپەگەن كوپىر ءۇشىن  قازىنانىڭ  قىرۋار قارجىسىن جۇمساپ جىبەرگەن.

“كاك ۆى موگلي 9,5 ميلليون تەڭگەنى وپلاتيت زا نەۆىپولنەننۋيۋ رابوتۋ پري سترويتەلستۆە موستا؟ رابوتا نەۆىپالنەنا. جول ىستەلمەگەن، اقشانى قالاي تولەيسىڭدەر سەندەر؟”، – دەدى ەسەپ كوميتەتىنىڭ توراعاسى قوزىكورپەش جاڭبىرشين.

ال  شىعىس قازاقستانداعى اۋىلدار اۋىز سۋعا جارىماي وتىر. بۇل سالادا دا شەنەۋنىكتەر بيۋدجەتتەن بولىنگەن اقشانى ماقساتسىز جۇمساپ، جۇرتتى  شولدەتىپ وتىر. اسىرەسە، سەمەي، اياگوزدەگى جاعداي مۇشكىل.

وبلىس اكىمى بار بىلىققا جاۋاپ بەر دەپ ورىنبارىن جىبەرگەن ەكەن. نۇرىمبەت ساقتاعانوۆ ۇشتى-كۇيلى جوعالعان قازىنانىڭ ميللياردتارى ءۇشىن ءتورت ادامدى جاۋاپقا تارتتىق دەپ قۇتىلدى.

“ەگەر مىنا مىنبەرگە شىعىپ الىپ، تاعى دا بەتىڭىز قىزارعانىن قالاماساڭىز، باستى كىنالىلەردى جۇمىستان شىعارىڭىزدار. ەسكەرتۋ جاسادىم، جازالادىم دەگەن بولمايدى. سودان كەيىن بۇدان بۇلاي ەسەپ كوميتەتىنىڭ جيىنىنا دايىندالىپ كەلىڭدەر، سۇراققا جاۋاپ الايىق ناقتى”، – دەدى  ەسەپ كوميتەتىنىڭ توراعاسى.

ەسەپ كوميتەتى وبلىستارداعى عانا ەمەس، پارلامەنتتەگى دە ءبىراز بىلىقتىڭ بەتىن اشىپتى. دەپۋتاتتار قىزمەتتىك كولىكتەرىمەن وڭدى-سولدى قىدىرىپ، سونىسىمەن-ەق بيۋدجەتكە 74 ميلليون شىعىن كەلتىرىپتى.

شارۋاشىلىق باسقارماسى ساۋلەت، قۇرىلىسقا قاجەت دەپ تاعى 365 ميلليون تەڭگەنى زاڭسىز جۇمساعان. ال، مەملەكەتتىك ساتىپ الۋ بويىنشا وتكەن تەندردە  كىم كورىنگەن جەڭىسكە جەتىپ، تاپسىرىس قابىلداعان.

دەپۋتاتتار قىزمەتتىك كولىكتەرىمەن وڭدى-سولدى قىدىرىپ، سونىسىمەن-ەق بيۋدجەتكە 74 ميلليون شىعىن كەلتىرىپتى.

وسىلايشا، پارلامەنت جالپى بيۋدجەتتىڭ 3 ميللياردقا جۋىق تەڭگەسىن قۇردىمعا جىبەرگەن. ەسەپ كوميتەتى پارلامەنتتە جۇرگىزگەن تەكسەرۋلەرىن تەك رەسمي سايتىندا جاريالادى. ەشكىمدى شاقىرىپ الىپ سوكپەدى، ءتىپتى ول جايىندا جاق اشقىلارى كەلمەدى.

ال ەسەپ كوميتى  قازىنا قارجىسىن كوزسىز جۇمساعان شەنەۋنىكتەردىڭ ءتىزىمىن باس پروكۋراتۋرا مەن اقورداعا جىبەرەمىز دەپ وتىر. ءسويتىپ، ايىپتى اتقامىنەرلەردى قاتاڭ جازالاماق.

سوندىقتان  جاقىن كۇندەرى ايماقتارداعى  بيۋدجەت اقشاسىن ءراسۋا ەتكەن شەنەۋنىكتەردىڭ سوڭىنا قۇقىق قورعاۋشىلار ماي شام الىپ ءتۇسۋى ابدەن مۇمكىن.

دەرەككوز: كتك ارناسى