Esep komiteti parlamenttegi biraz bılıqtıñ betin  aştı. Tekseru jürgizgen komissiyanıñ mälimetinşe, senat pen mäjilis  byudjettiñ 3 milliardqa juıq teñgesin zañsız jwmsap, memleketke qıruar şığın keltirgen.

Bwl turalı KTK arnası habarlaydı.

Äsirese,  deputattar qızmettik kölikterimen oñdı-soldı qıdırıptı.Söytip, 74 million teñgeni dalağa şaşqan. Aymaqtardağı jağday da mäz emes.

Esep komitetiniñ mälimetinşe, oblıs, audan, auıldarda  milliardtar igerilmey qalğan. Sonıñ kesirinen ondağan mıñ otbası baspanasız qañğıp dalada  jür, al qanşama auıl auız suğa jarımay otır.

Qayta-qayta keñesip, qobaljıp jürgen, ım-jımı bir şeneunikter Şığıs Qazaqstannan kelgen. Olar Esep komitetiniñ aldında emtihan tapsırmaq. Atqaminerler qazınanıñ är tiını qalay jwmsalğanı  jäne qanşa qarjını qwrdımğa jibergenderin tüsindirip berui tiis. Al aymaq boyınşa räsua bolğan aqşa az emes eken.

“Şığıs Qazaqstan oblısı boyınşa 41 milliard teñgeniñ  zañsız jwmsalğanı  anıqtaldı. Al byudjettiñ  3 milliard teñgesi  negizsiz igerilgen. Jalpı, oblıs jıl boyı 117  milliard teñge igergen”, – dedi Esep komitetiniñ müşesi Aleksandr Goryaninov.

Şığıs Qazaqstandağı auıldar auız suğa jarımay otır. Bwl salada da şeneunikter byudjetten bölingen aqşanı maqsatsız jwmsap, jwrttı  şöldetip otır.

Sonıñ kesirinen Ridder qalasındağı 60 päterli 3 üydiñ qwrılısı uaqıtılı ayaqtalmay, ondağan otbası baspanasız dalada qañğıp jür.  Ol azday, däl osı qalanıñ atqaminerleri  müldem salınıp bitpegen köpir üşin  qazınanıñ  qıruar qarjısın jwmsap jibergen.

“Kak vı mogli 9,5 million teñgeni oplatit' za nevıpolnennuyu rabotu pri stroytel'stve mosta? Rabota nevıpalnena. Jol istelmegen, aqşanı qalay töleysiñder sender?”, – dedi Esep komitetiniñ törağası Qozıkörpeş Jañbırşin.

Al  Şığıs Qazaqstandağı auıldar auız suğa jarımay otır. Bwl salada da şeneunikter byudjetten bölingen aqşanı maqsatsız jwmsap, jwrttı  şöldetip otır. Äsirese, Semey, Ayagözdegi jağday müşkil.

Oblıs äkimi bar bılıqqa jauap ber dep orınbarın jibergen eken. Nwrımbet Saqtağanov wştı-küyli joğalğan qazınanıñ milliardtarı üşin tört adamdı jauapqa tarttıq dep qwtıldı.

“Eger mına minberge şığıp alıp, tağı da betiñiz qızarğanın qalamasañız, bastı kinälilerdi jwmıstan şığarıñızdar. Eskertu jasadım, jazaladım degen bolmaydı. Sodan keyin bwdan bwlay Esep komitetiniñ jiınına dayındalıp keliñder, swraqqa jauap alayıq naqtı”, – dedi  Esep komitetiniñ törağası.

Esep komiteti oblıstardağı ğana emes, parlamenttegi de biraz bılıqtıñ betin aşıptı. Deputattar qızmettik kölikterimen oñdı-soldı qıdırıp, sonısımen-eq byudjetke 74 million şığın keltiripti.

Şaruaşılıq basqarması säulet, qwrılısqa qajet dep tağı 365 million teñgeni zañsız jwmsağan. Al, memlekettik satıp alu boyınşa ötken tendrde  kim köringen jeñiske jetip, tapsırıs qabıldağan.

Deputattar qızmettik kölikterimen oñdı-soldı qıdırıp, sonısımen-eq byudjetke 74 million şığın keltiripti.

Osılayşa, parlament jalpı byudjettiñ 3 milliardqa juıq teñgesin qwrdımğa jibergen. Esep komiteti parlamentte jürgizgen tekserulerin tek resmi saytında jariyaladı. Eşkimdi şaqırıp alıp sökpedi, tipti ol jayında jaq aşqıları kelmedi.

Al Esep komiti  qazına qarjısın közsiz jwmsağan şeneunikterdiñ tizimin Bas prokuratura men aqordağa jiberemiz dep otır. Söytip, ayıptı atqaminerlerdi qatañ jazalamaq.

Sondıqtan  jaqın künderi aymaqtardağı  byudjet aqşasın räsua etken şeneunikterdiñ soñına qwqıq qorğauşılar may şam alıp tüsui äbden mümkin.

Derekköz: KTK arnası