سپورت شوۋ-بيزنيس

جولشيەۆ: “بەنفيكا” مەن “گالاتاسارايدان” ۇپاي الۋعا تىرىسامىز

kerey.kz

 |  Sep 14, 2015

جولشيەۆ: “بەنفيكا” مەن “گالاتاسارايدان” ۇپاي الۋعا تىرىسامىز

بۇگىن، 15:2464 0
باۋىرجان جولشيەۆ جانە برانكو يليچ. © Vesti.kz
باۋىرجان جولشيەۆ جانە برانكو يليچ. © Vesti.kz
قازاقستان قۇراماسى مەن “استانا” كلۋبىنىڭ جارتىلاي قورعاۋشىسى باۋىرجان جولشيەۆ Vesti.kz پورتالىنا سۇحبات بەردى. ايتا كەتەيىك، “استانا” كومانداسى چەمپيوندار ليگاسىنىڭ توپتىق كەزەڭىنە شىققان بولاتىن.

“بىزگە قيىن كوماندالار ءتۇستى. ولار توپ-دەڭگەيدەگى كلۋبتار. دەگەنمەن ءبىز ءار كەزدەسۋدە بارىمىزدى سالامىز. مەن توپتا “اتلەتيكو” كلۋبىن فاۆوريت دەپ ەسەپتەر ەدىم، بىراق ءبىز ولارعا وڭاي بەرىلە سالمايمىز. دەگەنمەن قيىن بولادى”، – دەدى جولشيەۆ.

ەلوردالىق كلۋبتىڭ جارتىلاي قورعاۋشىسى اپوەل كومانداسىمەن بولعان ويىن تۋرالى دا پىكىر ءبىلدىردى. ء“بىز بارىنشا تىرىستىق. استانادا گول سالدىق. ارى قاراي جوعارىلاعىمىز كەلەدى. “بەنفيكا” مەن “گالاتاسارايدان” ۇپاي الۋعا تىرىسامىز”، – دەدى ول.

جولشيەۆ الداعى ويىندارعا سابىرمەن قارايتىنىن، شامادان تىس قوبالجىمايتىنىن ايتتى. “مەن الاڭعا شىعىپ، ءوز جۇمىسىمدى ورىندايمىن. قازاقستان فۋتبولى ءۇشىن مۇنىڭ تاريحي قادام ەكەنىن بىلەمىن. ءبىز بۇعان لايىقپىز. مۇنىڭ ءبارى وڭاي كەلگەن جوق. ارينە، كوپ ادامنىڭ الدىندا فۋتبول جۇلدىزدارىمەن ويناۋ ەرەكشە اسەرگە بولەيتىنى راس”، – دەدى سپورتشى.

ەسكە سالا كەتەيىك، 16 قىركۇيەككە قاراعان ءتۇنى قازاقستاندىق “استانا” كلۋبى چەمپيوندار ليگاسىنىڭ توپتىڭ كەزەڭىندە پورتۋگاليالىق “بەنفيكا” كومانداسىمەن وينايدى. بۋكمەكەرلەر بۇل كەزدەسۋدە پورتۋگاليا ەلىنىڭ كلۋبى فاۆوريت بولادى دەپ ەسەپتەيدى. “بەنفيكانىڭ” جەڭۋ كوەففيتسيەنتى 1.16-عا تەڭ، ال “استانا” كلۋبىنىڭ جەڭۋ كوەففيتسيەنتى – 16.00. كوماندالار اراسىنداعى ويىننىڭ تەڭ اياقتالۋىنا 6.60 كوەففيتسيەنتى قويىلدى.
Tengrinews.kz