100 سايىسكەر بىردەي فورماداعى دوڭگەلەك سىرماقتى 2 ساعات ىشىندە تىگىپ شىققان. ونىڭ 25-ءى جۇلدەگەر اتانىپ، ماراپاتتالدى،-دەپ جازادى قىتاي قازاق راديوسىنىڭ سايتى.

سونداي-اق، كولەمدى كورمە اياسىندا التاي قالاسى بالباعاي اۋىلىنىڭ تۇرعىنى باحتيگۇل سولتانياقىزىنىڭ 3 اي ۋاقىت جۇمساپ تىككەن ۇزىندىعى 4 مەتر، ەنى 2 مەتر سىرماعى باسساۋداعا سالىنىپ، 13 مىڭ يۋانعا (500 مىڭ تەڭگە) ساتىلدى.

بۋىرشىندىق شەبەر ايدىنگۇل ەركىنقىزىنىڭ قولىنان شىققان «قاناس كورىنىسى» اتتى كەستەلى سۋرەت 26 مىڭ يۋانعا (1 ميلن. تەڭگە) ساتىلدى.

التاي قالاسى «اقجول» ۇلتتىق كيىم سەرىكتەستىگىنىڭ ديرەكتورى ءپازيلا قابدىراحمانقىزىنىڭ جوبالاعان شۇار قۇرىلعاندىعىنىڭ 60 جىلدىعىنا ارنالىپ 120 مەتر ماتادان تىگىلگەن 60 قاتپارلى قازاق كويلەگى مەن قىتايداعى 56 ۇلتتىڭ ىنتىماعىن بەينەلەيتىن 56 قاتپارلى قازاق كويلەگى گيننەستىڭ رەكوردتار كىتابىنا ەندى.

فوتو: kazakcnr.com سايتىنان الىندى

baq.kz