وتانىنا ورالعان قانداستارىمىزدىڭ باسىم كوپشىلىگى جامبىل وبلىسىندا – 213 وتباسى (529 ادام), وڭتۇستىك قازاقستان وبلىسى – 208 وتباسى (527 ادام), قوستاناي وبلىسى – 189 وتباسى (452 ادام), ماڭعىستاۋ وبلىسى – 108 وتباسى (487 ادام), سونداي-اق، وزگە دە ايماقتارعا قونىستانعان.
ولاردىڭ كوپشىلىگى وزبەكستاننان – 78,6%، 6,7% – تۇركمەنستاننان، 6% – قىتايدان، 3,1% – موڭعوليادان، 5,6 % – باسقا ايماقتاردان كەلگەن.
ەڭبەككە جارامدى جاستاعى تۇلعالاردىڭ كورسەتكىشى – 61,1%، 18 جاسقا دەيىنگى بالالار – 32,5%، زەينەتكەرلەر – 6,3%-ءدى قۇراپ وتىر.
ەڭبەككە جارامدى جاستاعى ورالمانداردىڭ 49,6%-ى جالپى ورتا ءبىلىمدى، 32,8%-ورتا ارناۋلى، 15,4% – جوعارعى ءبىلىمدى، 2,1%-ءنىڭ ءبىلىمى جوق.
ەستەرىڭىزگە سالا كەتەيىك، 1991 مەن 2014 جىلدار ارالىعىندا قازاقستانعا 259 مىڭ 159 وتباسى بولماسا 952 مىڭ 882 ەتنيكالىق قازاقتار قايتا كەلىپ، ورالمان مارتەبەسىن العان بولاتىن. بۇل جالپى حالىق سانىنىڭ 5,5%-ىن قۇرادى.
قازىرگى تاڭدا قر پارلامەنتى ەلباسىنىڭ 2014 جىلعى 4 مامىرداعى تاپسىرماسىن جۇزەگە اسىرۋ ماقساتىندا ازىرلەنگەن «كەيبىر زاڭنامالىق اكتىلەرگە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسىن قاراستىرۋدا.
ەتنيكالىق قازاقتاردى ءوز تاريحي وتانىنا ورالۋعا ىنتالاندىرۋ ماقساتىندا زاڭ جوباسى كەلەسى ماسەلەلەردى قاراستىرادى:
- ەتنيكالىق قازاقتارعا قونىستانۋ وڭىرىنە قاراماستان ورالمان مارتەبەسىن بەرۋ. ولارعا شەتەلدىك ازاماتتارعا قاراعاندا كوشى-قون پوليتسياسىنا حابارلاسۋ ارقىلى تولەم قابىلەتىن راستاۋسىز ۋاقىتشا تۇرۋ ىقتيارحاتىن الۋ مۇمكىندىگى بەرىلەدى;
- ەتنيكالىق قازاقتارعا ۇكىمەت بەلگىلەگەن وڭىرلەرگە قونىستانعان جاعدايدا الەۋمەتتىك پاكەت بەرۋ. سونداي-اق، ەلىمىزدىڭ كەز كەلگەن وڭىرىنەن ۇكىمەت ايقىنداعان ەكىنشى وڭىرگە قونىستانعان ورالماننىڭ الەۋمەتتىك قولداۋدى الۋعا مۇمكىندىگى بولادى. ەگەر ولار قونىستانعان وڭىردەن 5 جىل مەرزىمنەن بۇرىن قونىس اۋدارىپ كەتەتىن بولسا، العان كومەكتەرىن ۇكىمەتكە قايتارۋ مىندەتتەرى قاراستىرىلعان.
- ورالماندارعا قازاقستان رەسپۋبليكاسىنىڭ ازاماتتىعىن بەرۋ مەرزىمىن ۋاقىتشا تۇرۋ ىقتيارحاتىن العاننان كەيىن 1 جىلعا دەيىن قىسقارتۋ كوزدەلەدى.

baq.kz