Otanına oralğan qandastarımızdıñ basım köpşiligi Jambıl oblısında – 213 otbası (529 adam), Oñtüstik Qazaqstan oblısı – 208 otbası (527 adam), Qostanay oblısı – 189 otbası (452 adam), Mañğıstau oblısı – 108 otbası (487 adam), sonday-aq, özge de aymaqtarğa qonıstanğan.
Olardıñ köpşiligi Özbekstannan – 78,6%, 6,7% – Türkmenstannan, 6% – Qıtaydan, 3,1% – Moñğoliyadan, 5,6 % – basqa aymaqtardan kelgen.
Eñbekke jaramdı jastağı twlğalardıñ körsetkişi – 61,1%, 18 jasqa deyingi balalar – 32,5%, zeynetkerler – 6,3%-di qwrap otır.
Eñbekke jaramdı jastağı oralmandardıñ 49,6%-ı jalpı orta bilimdi, 32,8%-orta arnaulı, 15,4% – joğarğı bilimdi, 2,1%-niñ bilimi joq.
Esteriñizge sala keteyik, 1991 men 2014 jıldar aralığında Qazaqstanğa 259 mıñ 159 otbası bolmasa 952 mıñ 882 etnikalıq qazaqtar qayta kelip, oralman märtebesin alğan bolatın. Bwl jalpı halıq sanınıñ 5,5%-ın qwradı.
Qazirgi tañda QR Parlamenti Elbasınıñ 2014 jılğı 4 mamırdağı tapsırmasın jüzege asıru maqsatında äzirlengen «Keybir zañnamalıq aktilerge halıqtıñ köşi-qonı jäne jwmıspen qamtıluı mäseleleri boyınşa özgerister men tolıqtırular engizu turalı» QR Zañınıñ jobasın qarastıruda.
Etnikalıq qazaqtardı öz tarihi otanına oraluğa ıntalandıru maqsatında Zañ jobası kelesi mäselelerdi qarastıradı:
- etnikalıq qazaqtarğa qonıstanu öñirine qaramastan oralman märtebesin beru. Olarğa şeteldik azamattarğa qarağanda köşi-qon policiyasına habarlasu arqılı tölem qabiletin rastausız uaqıtşa twru ıqtiyarhatın alu mümkindigi beriledi;
- etnikalıq qazaqtarğa Ükimet belgilegen öñirlerge qonıstanğan jağdayda äleumettik paket beru. Sonday-aq, elimizdiñ kez kelgen öñirinen Ükimet ayqındağan ekinşi öñirge qonıstanğan oralmannıñ äleumettik qoldaudı aluğa mümkindigi boladı. Eger olar qonıstanğan öñirden 5 jıl merzimnen bwrın qonıs audarıp ketetin bolsa, alğan kömekterin Ükimetke qaytaru mindetteri qarastırılğan.
- oralmandarğa Qazaqstan Respublikasınıñ azamattığın beru merzimin uaqıtşa twru ıqtiyarhatın alğannan keyin 1 jılğa deyin qısqartu közdeledi.

baq.kz