قازاقستاننىڭ ءبىرىنشى راكەتكاسى زارينا دياس Today.kz سايتىنىڭ تىلشىسىنە بەرگەن ەكسكليۋزيۆتى سۇحباتىندا تەننيستىك ماۋسىمدى قورتىندىلاپ، كەلەر جىلداعى جوسپارلارىمەن ءبولىستى.

بيىل زارينا دياس ۋيمبلدون ءتۋرنيرىنىڭ ءتورتىنشى كەزەڭىنە دەيىن جەتىپ، “ۇلكەن دۋلىعا” تۋرنيرىندەگى ەڭ ۇزدىك جەتىستىگىن قايتالادى. 22 جاسار دياس  قازىرگى كەزدە تەننيستەن ايەلدەر قاۋىمداستىعىنىڭ رەيتينگىسىندە  (WTA) 51-ءشى ورىندا.

-زارينا، ءسىز ءۇشىن ماۋسىم اياقتالدى، ول وڭاي بولعان جوق. ءسىز ءوزىڭىز ءۇشىن مۇنى قالاي باعالايسىز؟

-مەن وسى ماۋسىمعا ريزامىن، ءيا، ول وڭاي بولعان جوق. بىراق مەن جاقسى ويىندار وتكىزدىم، ءوزىمنىڭ دەڭگەيىمدى تەكسەردىم. قوسىمشا كىشكەنە جاراقاتتار دا الدىم. جالپى، وسىنىڭ ءبارىن باسىمنان وتكىزگەنىمە ريزامىن. ەگەر مەنىڭ حال جاعدايىم تۋرالى ايتار بولسام، قازىر ءوزىمدى جاقسى سەزىنەمىن. دەمالىپ، ساۋىقتىرۋدان وتۋدەمىن، كەلەسى ماۋسىمعا دايىندىق ۇستىندەمىن.

- بيىلعى ماۋسىمدا قانداي وڭتايلى ءارى كەرەعار ساتتەردى  ايتار ەدىڭىز؟

- جاعىمدى ساتتەر كوپ بولدى: ماريا شاراپوۆامەن جاقسى ماتچ وتكىزدىم، جەردە ويناۋ دەڭگەيىمدى كوتەردىم. سونىمەن قاتار الەمدىك رەيتينگتەگى توپ-10 ويىنشىلارمەن بىرنەشە ويىندار وتكىزدىم. مۇنداي ۇزدىك ويىنشىلارمەن ويناعان سايىن دەڭگەيىمدى كوتەرەمىن. ارينە، كەزدەسۋلەر بولدى، ءوزىمدى دۇرىس كورسەتە الماعان كەزدەر دە بولدى، بىراق بۇل سپورت، قاتەلىكتەن ادام ۇيرەنەدى.

- بيىل ەسىڭىزدە قالعان كەزدەسۋلەردى ايتىپ بەرە الاسىز با؟

- سابين ليسيتسكيمەن جاقسى ويىن وتكىزدىم، 6:0, 6:0 ەسەبىمەن جەڭگەن بولاتىنمىن. مەن وزىمدە گرۋتنتتەگى ويىنىما سەنىمدى بولا ءتۇستىم، ءبىز وسى سالادا كوپ جۇمىس جاسادىق. تاعى يتاليالىق فلاۆي پەنەتتامەن بولعان ويىندا دا جاقسى ويىن كورسەتتىم، “ۋيمبلدوننىڭ” ءبىرىنشى اينالىمىندا تىزە بۇكتىردىم. سونىمەن قاتار “ۋيمبلدوندا” اندرە پەتكوۆيچپەن ويىن وتە اۋىر بولدى. ءتورتىنشى اينالىمدا ماريا شاراپوۆامەن كەزدەستىم، ەكىنشى سەتتە پارتيانى الۋعا مۇمكىندىك بولىپ ەدى. الايدا ەڭ قيىن بولعانى پەتكوۆيچپەن بولعان ماتچ، ءبىز ءۇش سەت وينادىق

- بيىلعى ماۋسىمدا، ۋاقىتتىڭ تىعىز بولۋىنا بايلانىستى ، ماتچ كەزىندە شارشاعاندىعىڭىز بايقالمادى ما؟ جاتتىقتىرۋشىڭىز الان ما مەن جۇمىس جاساۋدى جالعاستىراسىز با؟

- جوق، شارشاعاندىق بايقالمادى. قاراشادا قىتايعا بارىپ، جاڭا ماۋسىمعا دايىندىقتى باستايمىن.  مەن الان ما مەن جۇمىس جاساۋدى جالعاستىرامىن، ول وتە جاقسى جاتتىقتىرۋشى، ول ماعان كوپ كومەگىن تيگىزدى. مەندە تاماشا قۇراما.

- كەلەسى جىلى وليمپيادالىق ويىندار، سوعان وراي ءسىزدىڭ رەيتينگىڭىز قاتىسۋعا مۇمكىندىك بەرەدى…

- ءيا، مەنىڭ ماقساتىم، ريو-دە-جانەيرودا وتەتىن وليمپيادا ويىندارىنا قاتىسىپ، مەدال الۋ.

- وتكەن ماۋسىمنىڭ قورىتىندىسى بويىنشا، جانكۇيەرلەرمەن ارنايى ماماندار تاراپىنان سىنعاندار كوپ بولدى. وسىمەن كۇرەسۋ قيىن بولدى ما؟

- ارينە، كوپتەگەن ادامدار مەنەن جوعارى كورسەتكىشتەر كۇتەدى، الايدا بارلىعى بىردەن بولا قويمايدى. مەن ەسەلەپ جاتتىعۋلار جاساۋدامىن جانە ءوز ماقساتىما جەتۋ ءۇشىن بار كۇشىمدى سالامىن. الەۋمەتتىك جەلىدەگى جاعىمسىز پىكىرلەرگە نازار اۋدارماۋعا تىرىسامىن. مەنى قولداپ، ماعان سەنىم بىلدىرەتىن بارلىق جانكۇيەرلەرىمە ۇلكەن العىس ايتامىن.

-ماۋسىمدى قورىتىندىلاي كەلە ءسىز وزىڭىزگە قانداي باعا بەرەر ەدىڭىز؟

 -مەن وزىمە باعا قويمايمىن (كۇلەدى). ماۋسىم جاقسى ءوتتى دەپ ويلايمىن.

ۆسەۆولود حۆان

today.kz