Qazaqstannıñ birinşi raketkası Zarina Diyas Today.kz saytınıñ tilşisine bergen eksklyuzivti swhbatında tennistik mausımdı qortındılap, keler jıldağı josparlarımen bölisti.

Biıl Zarina Diyas Uimbldon turniriniñ törtinşi kezeñine deyin jetip, “Ülken dulığa” turnirindegi eñ üzdik jetistigin qaytaladı. 22 jasar Diyas  qazirgi kezde tennisten äyelder qauımdastığınıñ reytingisinde  (WTA) 51-şi orında.

-Zarina, siz üşin mausım ayaqtaldı, ol oñay bolğan joq. Siz öziñiz üşin mwnı qalay bağalaysız?

-Men osı mausımğa rizamın, iä, ol oñay bolğan joq. Biraq men jaqsı oyındar ötkizdim, özimniñ deñgeyimdi tekserdim. Qosımşa kişkene jaraqattar da aldım. Jalpı, osınıñ bärin basımnan ötkizgenime rizamın. Eger meniñ hal jağdayım turalı aytar bolsam, qazir özimdi jaqsı sezinemin. Demalıp, sauıqtırudan ötudemin, kelesi mausımğa dayındıq üstindemin.

- Biılğı mausımda qanday oñtaylı äri kereğar sätterdi  aytar ediñiz?

- Jağımdı sätter köp boldı: Mariya Şarapovamen jaqsı matç ötkizdim, jerde oynau deñgeyimdi köterdim. Sonımen qatar älemdik reytingtegi TOP-10 oyınşılarmen birneşe oyındar ötkizdim. Mwnday üzdik oyınşılarmen oynağan sayın deñgeyimdi köteremin. Ärine, kezdesuler boldı, özimdi dwrıs körsete almağan kezder de boldı, biraq bwl sport, qatelikten adam üyrenedi.

- Biıl esiñizde qalğan kezdesulerdi aytıp bere alasız ba?

- Sabin Lisickimen jaqsı oyın ötkizdim, 6:0, 6:0 esebimen jeñgen bolatınmın. Men özimde grutnttegi oyınıma senimdi bola tüstim, biz osı salada köp jwmıs jasadıq. Tağı italiyalıq Flavii Penettamen bolğan oyında da jaqsı oyın körsettim, “Uimbldonnıñ” birinşi aynalımında tize büktirdim. Sonımen qatar “Uimbldonda” Andre Petkoviçpen oyın öte auır boldı. Törtinşi aynalımda Mariya Şarapovamen kezdestim, ekinşi sette partiyanı aluğa mümkindik bolıp edi. Alayda eñ qiın bolğanı Petkoviçpen bolğan matç, biz üş set oynadıq

- Biılğı mausımda, uaqıttıñ tığız boluına baylanıstı , matç kezinde şarşağandığıñız bayqalmadı ma? Jattıqtıruşıñız Alan Ma men jwmıs jasaudı jalğastırasız ba?

- Joq, şarşağandıq bayqalmadı. Qaraşada Qıtayğa barıp, jaña mausımğa dayındıqtı bastaymın.  Men Alan Ma men jwmıs jasaudı jalğastıramın, ol öte jaqsı jattıqtıruşı, ol mağan köp kömegin tigizdi. Mende tamaşa qwrama.

- Kelesi jılı Olimpiadalıq oyındar, soğan oray sizdiñ reytingiñiz qatısuğa mümkindik beredi…

- Iä, meniñ maqsatım, Rio-de-Janeyroda ötetin Olimpiada oyındarına qatısıp, medal' alu.

- Ötken mausımnıñ qorıtındısı boyınşa, janküyerlermen arnayı mamandar tarapınan sınğandar köp boldı. Osımen küresu qiın boldı ma?

- Ärine, köptegen adamdar menen joğarı körsetkişter kütedi, alayda barlığı birden bola qoymaydı. Men eselep jattığular jasaudamın jäne öz maqsatıma jetu üşin bar küşimdi salamın. Äleumettik jelidegi jağımsız pikirlerge nazar audarmauğa tırısamın. Meni qoldap, mağan senim bildiretin barlıq janküyerlerime ülken alğıs aytamın.

-Mausımdı qorıtındılay kele siz öziñizge qanday bağa berer ediñiz?

 -Men özime bağa qoymaymın (küledi). Mausım jaqsı ötti dep oylaymın.

Vsevolod Hvan

today.kz