ستامبۇلدا وتەتىن Turkvizyon-2015 كونكۋرسىندا قازاقستاننىڭ اتىنان “وردا” توبى شىعادى، – دەپ حابارلايدى Tengrinews.kz تىلشىسى.

Turkvizyon-2015 ۇلتتىق كەزەڭىنىڭ فينالدىق تۋرى بەيبىتشىلىك جانە كەلىسىم سارايىندا 6 قاراشادا ءوتتى. جەڭىمپاز سمس-داۋىس بەرۋ جولىمەن تىكەلەي ەفيردە تاڭدالدى. ايتا كەتەيىك، “وردا” توبى 2015 جىلى 15 جىلدىق مەرەيتويىن اتاپ وتكەن بولاتىن. داستان ورازبەكوۆ، نۇرلان الىمبەكوۆ، ەربولات جانە ەسبولات بەدەلحاندار ءوز اندەرىن وزدەرى جازىپ، حورەوگرافياسىن قويادى.

ۇلتتىق فينالعا ارداق الەكەشەۆ، البينا وگانەسيان، ازامات بەكبەرگەنوۆ، “اراي” توبى، AIBOO, باۋىرجان رەتباەۆ، بەيبىت قوشكاليەۆ، گۇلميرا جۇمابەكوۆا، دياس ابلاەۆ، ەرگەن ايتىمبەتوۆ، قامار سۇلۋ، مارحابا سابيەۆا، رايىم ۋايىس، رۋسلان بەردىماتوۆ، رۇستەم جۇگىنىسوۆ، “سارىن” توبى، حانايىم قاتىستى.

ەسكە سالا كەتەيىك، 2014 جىلى قازاقستاندىق ءانشى جانار دوعالوۆاTurkvizyon كونكۋرسىنىڭ جەڭىمپازى اتانعان بولاتىن. ول كەزدە كونكۋرس قازان قالاسىندا ءوتتى. جانار دوعالوۆا ء“ىزىن كورەم” انىمەن ونەر كورسەتىپ، 225 بالل ۇپاي جينادى. Turkvizyon – “ەۆروۆيدەنيە” بايقاۋىنىڭ تۇركى الەمىنە ارنالعان بالاماسى. بايقاۋدىڭ اۋديتورياسى 300 ميلليون ادامنان اسادى. Turkvizyon ەڭ العاش رەت 2013 جىلى تۇركيانىڭ ەسكىشاھار قالاسىندا ءوتتى. وعان 24 ەلدىڭ وكىلى قاتىستى. قازاقستاننىڭ اتىنان باق سىناعان Rin’Go توبى فينالدىڭ قورىتىندىسى بويىنشا توعىزىنشى ورىن العان ەدى.

Tengrinews.kz