جامبىل وبلىسى قورداي اۋداندىق سوتى الەۋمەتتىك جەلىدەگى جازبالارى ارقىلى «ۇلتارالىق ارازدىق تۋدىردى» دەپ ايىپتالعان بلوگەر ەرمەك تايشىبەكوۆتى 4 جىلعا سوتتاپ، جازاسىن جالپى تارتىپتەگى تۇرمەدە وتەۋگە ۇكىم ەتتى.

ەرمەك تايشىبەكوۆ بۇگىن سوتتاعى سوڭعى سوزىندە وزىنە قارسى قوزعالعان ءىستىڭ قۇرامىندا «قىلمىس جوعىن» ايتىپ، ونىڭ «ساياسي استارى بار» دەپ سانايتىنىن مالىمدەگەن. ول «قازاقستاندى ۇلى ەل دەپ سانامايتىنىن، بىراق پرەزيدەنت نۇرسۇلتان نازارباەۆتى ۇلى ادام دەپ تانيتىنىن» ايتقان. «قازاقستان مەن رەسەي بىرىكسە» قيسىندى بولاتىنىن ايتقان ەرمەك تايشىبەكوۆ قازاقستان باسشىسى نۇرسۇلتان نازارباەۆ وسى «بىرلەسكەن مەملەكەتتىڭ» پرەزيدەنتى، ال رەسەي پرەزيدەنتى ۆلاديمير پۋتين – ارنايى قىزمەت باسشىسى بولعانى ءجون» دەگەن پىكىر بىلدىرگەن.

جامبىل وبلىسى قورداي اۋدانىنىڭ تۇرعىنى، 37 جاستاعى ەرمەك تايشىبەكوۆ بيىل جازدا الەۋمەتتىك جەلى قولدانۋشىلارىنىڭ ارىزى بويىنشا قامالىپ، «ۇلتارالىق ارازدىق قوزدىرۋ» بابى بويىنشا سوتقا تارتىلعان.

ازاتتىق راديوسى