Jambıl oblısı Qorday audandıq sotı äleumettik jelidegi jazbaları arqılı «wltaralıq arazdıq tudırdı» dep ayıptalğan bloger Ermek Tayşıbekovti 4 jılğa sottap, jazasın jalpı tärtiptegi türmede öteuge ükim etti.

Ermek Tayşıbekov bügin sottağı soñğı sözinde özine qarsı qozğalğan istiñ qwramında «qılmıs joğın» aytıp, onıñ «sayasi astarı bar» dep sanaytının mälimdegen. Ol «Qazaqstandı wlı el dep sanamaytının, biraq prezident Nwrswltan Nazarbaevtı wlı adam dep tanitının» aytqan. «Qazaqstan men Resey birikse» qisındı bolatının aytqan Ermek Tayşıbekov Qazaqstan basşısı Nwrswltan Nazarbaev osı «birlesken memlekettiñ» prezidenti, al Resey prezidenti Vladimir Putin – arnayı qızmet basşısı bolğanı jön» degen pikir bildirgen.

Jambıl oblısı Qorday audanınıñ twrğını, 37 jastağı Ermek Tayşıbekov biıl jazda äleumettik jeli qoldanuşılarınıñ arızı boyınşa qamalıp, «wltaralıq arazdıq qozdıru» babı boyınşa sotqa tartılğan.

Azattıq radiosı