ۇلتتىق قاۋىپسىزدىك ورگاندارى «قازاقستان» تەلەارناسىندا
kerey.kz
2015 جىلعى 16 جەلتوقسان كۇنى «قازاقستان» ۇلتتىق تەلەارناسىندا «ارنايى وكىلدەر» اتتى كوپسەريالى تەلەحيكايانىڭ تۇساۋكەسەرى وتەدى.
«ارنايى وكىلدەر» – بۇگىنگى كۇنى وتاندىق ارنايى قىزمەتكەرلەردىڭ قالىپتاسۋى جانە كاسىبي ءوسۋى تۋرالى سىر شەرتەتىن دەتەكتيۆتى كينو جانرىندا تۇسىرىلگەن قازاقستاندىق كوركەم حيكايا. تەلەحيكايانىڭ ءاربىر بولىمىندە جاھاندىق قاۋىپسىزدىك جۇيەسىنىڭ قولدانىستاعى تەندەنتسيالارىنىڭ بيىگىنەن كورىنگەن قازاقستاندىق بارلاۋ جانە قارسى بارلاۋ قىزمەتكەرلەرىنىڭ وبرازدارى امبەباپ ماماندار رەتىندە اشىلادى.
ءاربىر سەريادا قر ۇلتتىق قاۋىپسىزدىك كوميتەتىنىڭ بۇگىنگى قىزمەتكەرلەرى مەملەكەتتىك قاۋىپسىزدىكتىڭ حالىقارالىق جۇيەسىندەگى ەڭ زاماناۋي ۇردىستەگى بىرەگەي امبەباپ مامانى رەتىندە بەينەلەنەدى.
كورەرمەندەر 90 جىلدارى باستاۋ الىپ، ۇقك ورگاندارى قىزمەتكەرلەرىنىڭ ءتۇرلى تاعدىرلارىمەن قيىلىسىپ، بۇگىنگى كۇنگە ۇلاسقان وقيعالاردىڭ كۋاسى بولادى. وقيعانىڭ ارى قاراي قالاي ءوربيتىنىن بولجاۋ مۇمكىن ەمەس. سەبەبى سيۋجەت قىلمىستىق دەتەكتيۆ جانرىنىڭ ۇزدىك تاجىريبەسىنە قۇرىلىپ، وقيعالار كۇتپەگەن جەردەن وزگەرىپ، شيەلەنىسە تۇسەدى.
حيكايانىڭ باس كەيىپكەرلەرى – قوڭىروۆتار وفيتسەرلەر اۋلەتىنىڭ وكىلدەرى. اۋلەتتىڭ ۇلكەنى قۇرمەتتى دەمالىسقا شىقسا، كەنجەسى ءوزىنىڭ قىزمەتتىك مانسابىنا جاڭادان كىرىسەدى. اتالعان وقيعا ءبىر اۋلەتپەن شەكتەلىپ قانا قويماي، سونىمەن قاتار ۇلتتىق قاۋىپسىزدىكتى قامتاماسىز ەتۋ ىسىندە قىزمەتىن ادال اتقارىپ كەلە جاتقان ۇقك ءتۇرلى ۆەدومستۆولارىنىڭ قىزمەتكەرلەرى مەن اسكەري قىزمەتكەرلەرى – تالداۋشىلار مەن وپەراتيۆتىك قىزمەتكەرلەر، ارنايى قىزمەت وكىلدەرى مەن شەكاراشىلار تۋرالى سىر شەرتەدى.
كەيىپكەرلەر ارقىلى حيكايا اۆتورلارى ۇلت تاعدىرى وتاندىق ارنايى قىزمەتتىڭ اقىلدى، سەنىمدى جانە باتىل وكىلدەرىنىڭ قولدارىندا بولعاندا حالىقارالىق تەرروريزم قاۋىپ-قاتەرىنىڭ ەلەمىزگە تونبەيتىنىن العا تارتادى. فيلم جاس ۇرپاقتىڭ بويىندا اسكەري-پاتريوتتىق سەزىمدى تاربيەلەۋگە جانە ازاماتتىق قوعامنىڭ قارسى بارلاۋ ساناسىن قالىپتاستىرۋعا باعىتتالعان.
حيكايانى «قازاقستان» تەلەراديوكورپوراتسياسىنىڭ تاپسىرىسىمەن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كومەگىمەن «استاناتەلەفيلم» جشس ءتۇسىردى.
16 جەلتوقسان كۇنى ساعات 21.00-دە «قازاقستان» تەلەارناسىنان «ارنايى وكىلدەر» حيكاياسىنىڭ تۇساۋكەسەرىن تاماشالاڭىزدار!
«قازاقستان» رترك» اق وسى جوبامەن قاتار كەلەشەكتە باسقا دا كوپتەگەن تىڭ حيكايالارىمەن كورەرمەندەردى تاڭ قالدىراتىن بولادى.
«قازاقستان» رترك» اق ءباسپاسوز-قىزمەتى
پىكىر قالدىرۋ