Ұлттық қауіпсіздік органдары «Қазақстан» телеарнасында

| Dec 11, 2015

2015 жылғы 16 желтоқсан күні «Қазақстан» Ұлттық телеарнасында «Арнайы өкілдер» атты көпсериялы телехикаяның тұсаукесері өтеді.

«Арнайы өкілдер» – бүгінгі күні отандық арнайы қызметкерлердің қалыптасуы және кәсіби өсуі туралы сыр шертетін детективті кино жанрында түсірілген қазақстандық көркем хикая. Телехикаяның әрбір бөлімінде жаһандық қауіпсіздік жүйесінің қолданыстағы тенденцияларының биігінен көрінген қазақстандық барлау және қарсы барлау қызметкерлерінің образдары әмбебап мамандар ретінде ашылады.

Әрбір серияда ҚР Ұлттық Қауіпсіздік Комитетінің бүгінгі қызметкерлері мемлекеттік қауіпсіздіктің халықаралық жүйесіндегі ең заманауи үрдістегі бірегей әмбебап маманы ретінде бейнеленеді.

Көрермендер 90 жылдары бастау алып, ҰҚК органдары қызметкерлерінің түрлі тағдырларымен қиылысып, бүгінгі күнге ұласқан оқиғалардың куәсі болады. Оқиғаның ары қарай қалай өрбитінін болжау мүмкін емес. Себебі сюжет қылмыстық детектив жанрының үздік тәжірибесіне құрылып, оқиғалар күтпеген жерден өзгеріп, шиеленісе түседі.

Хикаяның бас кейіпкерлері – Қоңыровтар офицерлер әулетінің өкілдері. Әулеттің үлкені құрметті демалысқа шықса, кенжесі өзінің қызметтік мансабына жаңадан кіріседі. Аталған оқиға бір әулетпен шектеліп қана қоймай, сонымен қатар ұлттық қауіпсіздікті қамтамасыз ету ісінде қызметін адал атқарып келе жатқан ҰҚК түрлі ведомстволарының қызметкерлері мен әскери қызметкерлері – талдаушылар мен оперативтік қызметкерлер, арнайы қызмет өкілдері мен шекарашылар туралы сыр шертеді.

Кейіпкерлер арқылы хикая авторлары ұлт тағдыры отандық арнайы қызметтің ақылды, сенімді және батыл өкілдерінің қолдарында болғанда халықаралық терроризм қауіп-қатерінің елемізге төнбейтінін алға тартады. Фильм жас ұрпақтың бойында әскери-патриоттық сезімді тәрбиелеуге және азаматтық қоғамның қарсы барлау санасын қалыптастыруға бағытталған.

Хикаяны «Қазақстан» телерадиокорпорациясының тапсырысымен Қазақстан Республикасы Ұлттық қауіпсіздік комитетінің көмегімен «Астанателефильм» ЖШС түсірді.

16 желтоқсан күні сағат 21.00-де «Қазақстан» телеарнасынан «Арнайы өкілдер» хикаясының тұсаукесерін тамашалаңыздар!

«Қазақстан» РТРК» АҚ осы жобамен қатар келешекте басқа да көптеген тың хикаяларымен көрермендерді таң қалдыратын болады.

Құрметпен,

«Қазақстан» РТРК» АҚ баспасөз-қызметі

Наурыз мерекесі құрметіне Панфилов көшесіндегі Сахнада «Ән қанатындағы Наурыз» атты дәстүрлі өнерде жүрген жас орындаушылардың ән кеші өтті.

kerey.kz

Бүгін Алматы қаласы әкімдігі Мәдениет басқармасының ұйымдастыруымен Панфилов көшесі бойындағы сахнада Наурыз мерекесіне арналған «Ән қанатындағы Наурыз» атты жас орындаушылардың дәстүрлі ән кеші жоғары деңгейде өтті. Алматы қаласы ХХ ғасырдың 30-жылдарынан бастап ұлт мәдениетінің ұйытқысы, ордасы қызметін атқарып келеді. Дәстүрлі өнердің ірі өкілдері, зерттеушілері осы қалада тұрып, еңбек етті. Қазір де профессионалдық типтегі дәстүрлі музыканың ең ірі ошағы – Алматы. Мұнда этномузыканың белгілі қайраткерлері, дәстүрлі домбырашы, қобызшы, сыбызғышы, әнші-термешілер әзірлейтін арнаулы орта және жоғары оқу орындары, өнер ұжымдары шоғырланған. Қазақ көне музыка аспаптарының жер бетіндегі жалғыз музейі мен еліміздегі жалғыз дәстүрлі өнер театры да осында. Соңғы уақыттары Алматы қаласында дәстүрлі өнерді насихаттап жүрген жас өнерпаздардың арнайы ән кеші өтпеп еді.
Тұрсын Жұманбай «Үйсінбай кітабы»

kerey.kz

Бұл Дағандел, Бақанас өлкесінен шыққан би Үйсінбай Жанұзақұлы хақында құрастырылып жазылған кітап. Тың толықтырылған еңбекте болыс Әлдеке Күсенұлы, Дағанделі болысының басшылары мен билерімен қатар Әбдірахман Әлімханұлы Жүнісов сынды айтулы тұлғалар жайлы әңгіме қозғалған. Олардың ел алдындағы еңбектері, билік, кесім – шешімдері, халық аузында қалған қанатты сөздері мен өмір жолдары, ата – тек шежіресі қамтылған. Сонымен қатар мұрағат деректеріндегі мәліметтер келтірілген. Кітапқа есімі енген ерлердің заманы, үзеңгілес серіктері туралы жазылған кей мақалалар, жыр –дастандар, үзінділер енген. Кітап қалың оқырман қауымға арналған. Тұрсын Жұманбай «Үйсінбай кітабы», - Жебе баспасы, Шымкент қаласы.134 бет толық нұсқасын төмендегі сілтеме арқылы оқи аласыз. Үйсінбай кітап kerey.kz
Thai AirAsia X Алматы – Бангкок тікелей рейстерін іске қосады: визасыз*

kerey.kz

Тайландтың сан қырлы дәмдерімен, бояуларымен және мәдениетімен танысыңыз — бір бағытқа 199 USD-ден басталады Алматы, 2025 жылғы 8 қыркүйек – Thai AirAsia X Алматы (Қазақстан) мен Бангкокты (Тайланд, Дон Муанг әуежайы) байланыстыратын жаңа әуе бағытының іске қосылуын қуана хабарлайды. Енді қазақстандық саяхатшылар қысқы маусымда жайлы әрі қолжетімді бағамен жылы самалға бөленген, күн шуағымен нұрланған әрі жарқын өмірімен танымал Бангкокқа ұша алады. Жаңа рейс 2025 жылғы 1 желтоқсаннан бастап аптасына төрт рет – дүйсенбі, сәрсенбі, жұма және жексенбі күндері орындалады. Ұшулар сыйымдылығы 367 жолаушыға арналған кеңфюзеляжды Airbus A330 ұшағымен жүзеге асырылады. Іске қосылуына орай Thai AirAsia X бір бағытқа 199 АҚШ долларынан басталатын арнайы промо-тарифті ұсынуда. Билеттерді 2025 жылғы 8–21 қыркүйек аралығында,
Астанада 2025 жылғы киножобалар питчингінің жеңімпаздарымен кездесу өтті

kerey.kz

Астанада «Ұлттық киноны қолдау мемлекеттік орталығының» Басқарма төрағасы Құрманбек Жұмағали 2025 жылғы питчинг сынынан сүрінбей өткен ашық конкурс жеңімпаздарымен кездесті. Іс-шара дөңгелек үстел форматында өтіп, оған Сараптамалық кеңес мүшелері мен Орталық мамандары қатысты. Жиында отандық киноиндустрия алдында тұрған басты міндеттер мен басым бағыттар талқыланды. Биылғы байқауға жалпы 444 өтінім тіркелді. Соның ішінде 16 жоба мемлекеттік қолдауға лайық деп танылды. Олардың қатарында үш дебюттік жұмыс және Тайландпен бірлескен киножоба бар. Бұл қазақстандық авторлардың халықаралық ынтымақтастыққа дайын екенін және шетелдік әріптестермен байланысын нығайтып отырғанын көрсетеді. Кездесу барысында Орталықтың басқарма төрағасы Құрманбек Жұмағали – «Сапалы фильм түсіру – басты талап. Конкурста жеңіске жеткен жоба жетекшілерінің кино өндірісінің алғашқы сатысынан бастап, экран арқылы көрерменге жету кезеңіне дейін
«Қайрат»-«Реал» матчының билет бағасы белгілі болды

kerey.kz

«Қайрат» футбол клубы UEFA Чемпиондар лигасының топтық кезеңінде өз алаңындағы матчтарға, соның ішінде «Реалға» қарсы ойынға билеттерді сату тәртібі мен мерзімдерін түсіндірді. «Қайрат» клубының ресми сайтында хабарланғандай, «Қайрат»-«Реал Мадрид» матчы үшін билеттер 23 қыркүйекте Алматы уақыты бойынша сағат 17:00-де сатылымға шығады. Бір ЖИН-ге бір адам ең көп екі билет ала алады, ал деректер сатып алу кезінде де, стадионға кіргенде де қатаң тексеріледі. Билет бағасы: 30 000 – 250 000 теңге аралығында болады. Айта кетейік, бұған дейін «Қайрат» – «Реал» матчының билеттер бағасы 75 мың мен 250 мың аралығында болатыны жарияланған еді. Алматылық клуб өз алаңында «Реалды» (30 қыркүйек), «Пафосты» (21 қазан), «Олимпиакосты» (9 желтоқсан) және «Брюггені» (21 қаңтар) қабылдайды.