قر قورعانىس مينيسترلىگىندە مەملەكەتتىك ءتىلدىڭ بىلگىرلەرىن تاڭدادى
kerey.kz
قر قورعانىس مينيسترلىگىندە مەملەكەتتىك ءتىلدى ءبىلۋ بويىنشا «مەملەكەتتىك ءتىل – مەنىڭ ءتىلىم» اتتى بايقاۋ ءوتتى. وعان قورعانىس ۆەدومستۆوسى قۇرىلىمدىق بولىمشەلەرىنىڭ اسكەري قىزمەتشىلەرىنەن قۇرالعان وزگە ۇلت وكىلدەرى قاتىستى.
بايقاۋ 4 كەزەڭنەن تۇردى. مەملەكەتتىك تىلدە تانىستىرۋ، بەينەروليك بويىنشا سۇراقتارعا جاۋاپ بەرۋ. ءارى قاراي قاتىسۋشىلار اناعۇرلىم كۇردەلى تاپسىرمانى، ياعني، قازاق اقىندارى مەن جازۋشىلارىنىڭ ولەڭدەرىنەن ۇزىندىلەردى سونداي-اق حالىق ماقال-ماتەلدەرىن جاتقا ايتتى.
بايقاۋ كەزەڭدەرىنىڭ ارقايسىسىندا اسكەري قىزمەتشىلەرگە وزدەرىنىڭ شەشەندىگى مەن شەبەرلىگىن، سوزدىك قورى مەن ادەبي ءتىلدىڭ بايلىعىن پاش ەتۋ قاجەت بولدى. ناتيجەسىندە قازاق ءتىلىن بىلۋدە 26363 اسكەري ءبولىمىنىڭ اسكەري قىزمەتشىسى اعا لەيتەنانت الەكساندر رۋديچ ۇزدىك اتاندى. ەكىنشى ورىندى اسكەري-عارىش باعدارلامالارى ورتالىعىنىڭ اسكەري قىزمەتشىسى اعا لەيتەنانت سەرگەي گاۆريلەنكو يەلەندى، ءۇشىنشى ورىندى قر قك اقپاراتتاندىرۋ جانە تەلەكوممۋنيكاتسيالار باس باسقارماسىنىڭ اسكەري قىزمەتشىسى اعا لەيتەنانت الەكسەي شەستاك پەن قر قك قۇرلىق اسكەرلەرىنىڭ اسكەري قىزمەتشىسى كاپيتان سەرگەي كوستەنكو ءوزارا ءبولىستى. قازىرگى ۋاقىتتا قر قارۋلى كۇشتەرىندە مەملەكەتتىك ءتىلدى شامامەن 15 جارىم مىڭ اسكەري قىزمەتشى وقىپ-ۇيرەنۋدە.
جىل سايىن سانى وزگەرىپ تۇرادى، سەبەبى، اسكەري قىزمەتشىلەر ءبىر دەڭگەيدەن باسقا دەڭگەيگە اۋىسىپ وتىرادى. ال قازاق ءتىلىن مەڭگەرۋدىڭ تەرەڭدەتىلگەن كۋرسىنان وتكەندەر وقىپ-ۇيرەنۋدى اياقتايدى. ءتىل دايارلىعى ءۇش دەڭگەي بويىنشا وتەدى. باستاۋىش، جالعاستىرۋشى جانە تەرەڭدەتىلگەن، وفيتسەرلەر مەن قىزمەتكەرلەردى عانا ەمەس، سونىمەن بىرگە قر قارۋلى كۇشتەرىنىڭ باسشىلىق جانە كوماندالىق قۇرامىن قامتيدى.
وسى جىلى مەملەكەتتىك ءتىلدى ءبىلۋ دەڭگەيىن انىقتاۋ ءۇشىن جوعارى وفيتسەرلەر قۇرامىنىڭ 337 وكىلى تەست تاپسىردى. ونىڭ قورىتىندىسى بويىنشا ەمتيحان تاپسىرعانداردىڭ 82% ءوز بىلىمدەرىن راستادى.
پىكىر قالدىرۋ