2016 جىلعى 6 قاڭتاردا كورەي حالىق-دەموكراتيالىق رەسپۋبليكاسى سۋتەك بومباسىنىڭ ءساتتى سىناعىن وتكىزگەنى تۋرالى مالىمدەدى. وسىعان وراي، قازاقستان بۇۇ قاۋىپسىزدىك كەڭەسىنىڭ 1718 (2006), 1874 (2009), 2087 (2013) جانە 2094 (2013) رەزوليۋتسيالارىن بۇزا وتىرىپ، كحدر-دىڭ وسىنداي ارەكەتىنىڭ جونسىزدىگى جانە ءۇزىلدى-كەسىلدى ايىپتايتىنى تۋرالى مالىمدەيدى.
قازاقستان رەسپۋبليكاسى سىرتقى ىستەر مينيسترلىگىنىڭ كحدر-دا جاسالۋى ءمالىم ەتىلگەن يادرولىق سىناققا قاتىستى مالىمدەمەسى
kerey.kz
يادرولىق سىناققا جالپىعا بىردەي تىيىم سالۋ تۋرالى شارتتىڭ (ياسجتش) XIV بابىنا سايكەس، جاپونيامەن بىرگە 9-شى كونفەرەنتسياسىنىڭ تەڭتوراعاسى بولىپ سانالاتىن، قازاقستان كحدر باسشىلىعىنىڭ بۇل iس-ارەكەتتەرى يادرولىق قارۋسىزدانۋ، يادرولىق قارۋدى تاراتپاۋ رەجيمىن جانە جاھاندىق قاۋىپسىزدىكتى نىعايتۋ بويىنشا حالىقارالىق قوعامداستىقتىڭ كۇش-جىگەرىنە ەلەۋلى زالال كەلتىرەدى دەپ ەسەپتەيدى، ياسجتش-تىڭ كۇشىنە ەنۋىن قامتاماسىز ەتۋ جونىندە الەم ەلدەرىنىڭ باسىم كوپشىلىگىنىڭ ۇمتىلىسىن جوققا شىعارادى.
قازاقستان يادرولىق قارۋدىڭ قاسىرەتىن باستان وتكەرگەن، ءوز ەركىمەن يادرولىق ارسەنالداردان باس تارتقان جانە 29 تامىزدى يادرولىق سىناقتارعا قارسى ءىس-قيمىل حالىقارالىق كۇنى دەپ جاريالاعان بۇۇ باس اسسامبلەياسى قاۋلىسىنىڭ قابىلدانۋىنا باستاما بىلدىرگەن ەل رەتىندە الەمدەگى يادرولىق سىناقتارعا تولىق تىيىم سالىنۋىن قولدايدى جانە قىتاي، رەسەي، اقش، كورەيا رەسپۋبليكاسى مەن جاپونيانىڭ قاتىسۋىمەن التىجاقتى فورماتتاعى يادرولىق پروبلەما بويىنشا كەلىسسوزدەردى دەرەۋ قايتا باستاۋعا شاقىرادى.
قاۋىپسىزدىكتىڭ جانە تۇراقتى دامۋدىڭ كەپىلى يادرولىق ارسەنال ەمەس، كەڭەيتىلگەن ءوزارا ءتيىمدى ىنتىماقتاستىق، بارلىق مەملەكەتارالىق قاتىناستارداعى پروبلەمالاردى بەيبىت كەلىسسوزدەر ارقىلى شەشۋ قاجەت دەپ سەنەمىز. الەمدى يادرولىق قارۋدان تازارتۋ جاھاندىق قاۋىپسىزدىك كەپىلى بولىپ تابىلادى، ءبىزدىڭ ەلىمىز جانە 21-ءشى عاسىردا ادامزاتتىڭ باستى ماقساتى – يادرولىق قارۋسىز الەمدى قۇرۋعا شاقىرعان پرەزيدەنت نۇرسۇلتان نازارباەۆ يادرولىق قارۋدان باس تارتۋعا ۇندەيدى.
پىكىر قالدىرۋ