2016 jılğı 6 qañtarda Korey Halıq-Demokratiyalıq Respublikası sutek bombasınıñ sätti sınağın ötkizgeni turalı mälimdedi. Osığan oray, Qazaqstan BWW Qauipsizdik Keñesiniñ 1718 (2006), 1874 (2009), 2087 (2013) jäne 2094 (2013) rezolyuciyaların bwza otırıp, KHDR-dıñ osınday äreketiniñ jönsizdigi jäne üzildi-kesildi ayıptaytını turalı mälimdeydi.
Qazaqstan Respublikası Sırtqı ister ministrliginiñ KHDR-da jasaluı mälim etilgen yadrolıq sınaqqa qatıstı mälimdemesi
kerey.kz
YAdrolıq sınaqqa jalpığa birdey tıyım salu turalı şarttıñ (YASJTŞ) XIV babına säykes, Japoniyamen birge 9-şı Konferenciyasınıñ teñtörağası bolıp sanalatın, Qazaqstan KHDR basşılığınıñ bwl is-äreketteri yadrolıq qarusızdanu, yadrolıq qarudı taratpau rejimin jäne jahandıq qauipsizdikti nığaytu boyınşa halıqaralıq qoğamdastıqtıñ küş-jigerine eleuli zalal keltiredi dep esepteydi, YASJTŞ-tıñ küşine enuin qamtamasız etu jöninde älem elderiniñ basım köpşiliginiñ wmtılısın joqqa şığaradı.
Qazaqstan yadrolıq qarudıñ qasiretin bastan ötkergen, öz erkimen yadrolıq arsenaldardan bas tartqan jäne 29 tamızdı YAdrolıq sınaqtarğa qarsı is-qimıl halıqaralıq küni dep jariyalağan BWW Bas Assambleyası qaulısınıñ qabıldanuına bastama bildirgen el retinde älemdegi yadrolıq sınaqtarğa tolıq tıyım salınuın qoldaydı jäne Qıtay, Resey, AQŞ, Koreya Respublikası men Japoniyanıñ qatısuımen altıjaqtı formattağı yadrolıq problema boyınşa kelissözderdi dereu qayta bastauğa şaqıradı.
Qauipsizdiktiñ jäne twraqtı damudıñ kepili yadrolıq arsenal emes, keñeytilgen özara tiimdi ıntımaqtastıq, barlıq memleketaralıq qatınastardağı problemalardı beybit kelissözder arqılı şeşu qajet dep senemiz. Älemdi yadrolıq qarudan tazartu jahandıq qauipsizdik kepili bolıp tabıladı, bizdiñ elimiz jäne 21-şi ğasırda adamzattıñ bastı maqsatı – yadrolıq qarusız älemdi qwruğa şaqırğan Prezident Nwrswltan Nazarbaev yadrolıq qarudan bas tartuğa ündeydi.
Pikir qaldıru