تەرري فوكس اتىنداعى قايىرىمدىلىق جۇگىرۋ شاراسى
kerey.kz
تەرري فوكستىڭ 1980 جىلى، كانادا ارقىلى ءۇمىت مارافونى كەزىندەگى قانعا بويالعان شورتىمەن جۇگىرۋ ءساتى. ول 143 كۇن بويى سوڭعى دەمىنە دەيىن جۇگىرىپ ءوتتى. تەرري فوكس 1958 جىلى كانادادا دۇنيەگە كەلدى. 1977 جىلى وڭ تىزەسى اۋىرا باستادى، سوڭىندا وعان “سۇيەك ىسىگى” دەگەن دياگنوز قويدى. دارىگەرلەر وڭ اياعىن تىزەسىنەن جوعارى كەسىپ تاستاۋعا ءماجبۇر بولدى. اراعا ءۇش جىل سالىپ جاس اتلەت ەلدىڭ شىعىسىنا باتىسىنا دەيىن جۇگىرىپ شىعۋعا بەل بۋادى. شارانىڭ ماقساتى — ىسىك اۋرۋلارىن زەرتتەۋگە قايىرىم قاراجاتىن جيناۋ بولاتىن. ء„ۇمىت مارافونىن„ ۇيىمداستىرۋ كەزىندە ءار وتانداسىنان “1 دوللاردان” جيناسام دەپ ارماندادى. الدىن الا دايىندىقسىز، ۇزاق قاشىقتىقتى جۇگىرىپ ءوتۋ وڭايعا سوقپايتىنىن جاقسى ءتۇسىنىپ، تەرري ءبىر جىلدان استام ءوزىن باپتادى. 1980 جىلعى 12 ءساۋىر كۇنى اياعىن اتلانت مۇحيتىنىڭ سۋىنا مالىپ، كەلەسىدە ۆانكۋۆەر قالاسىندا تىنىق مۇحيتىنىڭ سۋىنا سالۋدى نيەت ەتتى. ورتا ەسەپپەن تاۋلىگىنە 42 شاقىرىمدى باسىپ وتىردى، الايدا اۋرۋ ءارى قاراي كۇشەيە ءتۇستى. كەسىپ تاستاعان اياعىنىڭ ورنىنا قويىلعان پروتەزدىڭ جانىنا باتۋىنا قاراماستان، قايسار اتلەت رايىنان قايتپاي ساپارىن جالعاستىرا بەردى. „كەمەدىگىنىڭ جانى ءبىر„ دەگەن قاعيدانى ۇستانا وتىرىپ، ميلليونداعان ءوزى سەكىلدى ناۋقاستارعا كومەكتەسۋ قۇشتارلىعى مەن قايتپاس مىنەزىنىڭ ارقاسىندا تەك العا جىلجىپ وتىردى. مارافون مارەسىن كورۋ تەرري فوكستىڭ پەشەنەسىنە جازباپتى. اياقتان وكپەگە شاپقان قاتەرلى ىسىك مارافوندىق جۇگىرىستى 1980 جىلى 1 قىركۇيەكتە توقتاتادى. ناۋقاس مارافونشى شارا باستالعاننان كەيىنگى 143 كۇن ىشىندە نيۋفاۋنلەند، جاڭا شوتلانديا، پرينتس ەدۋارد ارالى، نيۋ-برانسۋيك، كۆەبەك، ونتاريو پروۆينتسيالارىنىڭ اۋماعى ارقىلى 5 373 شاقىرىمدى ءوتىپ، تاندەر-بەي قالاسىنىڭ ماڭىنا كەلىپ تابان تىرەدى. توعىز اي وتكەننەن سوڭ، 23 جاسىنا تولماي تەرري كوز جۇمدى. 1981 جىلعى اقپان ايىندا 24 ملن. دوللاردان استام قاراجات جينايدى. ەڭ باستىسى، بۇقارا نازارىن وزىنە اۋدارا الدى. بۇگىنگى كۇنى الەم بويىنشا كانادا جانە 50 استام مەملەكەتتەردە تەرري فوكس اتىنداعى قايىرىمدىلىق جۇگىرۋ شارالارى جىل سايىن وتكىزىلىپ، جينالعان قاراجات “قاتەرلى ىسىك” اۋرۋلارىن زەرتتەۋ قورىنا اۋدارىلىپ ءجۇر. “Terry Fox Run” رەكوردتار كىتابىنا الەمدە قايىرىمدىلىق جيناۋدان ەڭ ۇلكەن جالعىز باستى كومپانيا رەتىندە ەنگىزىلگەن. 25 جىلدان سوڭ „تەرري فوكس” قورى 360 ميلليون دوللار جينالىپ، ميللونداعان ادامداردىڭ كومەگىمەن تەرري فوكس ارەكەتى بەكەر بولعان جوق. كانادا بيلىگى مۇزجارعىشقا ونىڭ اتىمەن اتاۋ قويدى. كەمە 1983 جىلى قولدانىسقا بەرىلگەن.
بيجان سادىبەكوۆتىڭ facebook پاراقشاسىنان الىندى
پىكىر قالدىرۋ