نازارباەۆ قالاسا ءبىر دوللاردىڭ قۇنىن ءبىر تەڭگەگە تەڭەستىرە الاتىنىن ايتتى
kerey.kz
نۇرسۇلتان نازارباەۆ قازاقستاندا قاجەت بولسا ءبىر اقش دوللارىن- 1 تەڭگە ەتۋگە بولاتىنىن ايتتى.
بۇل تۋرالى Stan.kz حابارلايدى.
«تەوريالىق تۇرعىدا مەن پارلامەنتتىڭ قاتىسۋىنسىز ءبىر دوللاردى – ءبىر تەڭگە ەتۋگە ۇكىم ەتە الامىن. مۇنى جاساۋعا بولادى»، – دەدى نازارباەۆ «نۇر وتان» پارتياسىنىڭ كەزەكتەن تىس جيىنىندا.
«ءبىر جىلدارى سونداي بولعان. ۇلكەن كىسىلەر بۇنى جاقسى بىلەدى. كەڭەس ۇكىمەتى كەزىندە 1 ءرۋبلدىڭ رەسمي باعاسى 45 تسەنت، ءتىپتى دوللارعا دا جەتپەيتىن ەدى. ول كەزدە ەشقانداي دا قازىرگىدەي بايلانىس پەن دامىعان مۇمكىندىكتەرى جوق، تابيعي ونىمدەرگە قاراپ وتىرعان ەلدە وسىنداي جاعداي بولدى. ەستەرىڭىزگە تۇسىرىڭىزدەرشى ول كەزدە قانشا جەكە كاسىپورىندار بولىپ ەدى؟ جوققا تەڭ بولدى»، – دەدى پرەزيدەنت.
نازارباەۆتىڭ سوزىنشە مەملەكەت دوللار باعامىن تۇراقتاندىرعان سايىن كاسىپكەرلىكتىڭ دامۋىنا سونشالىقتى كەدەرگى كەلەدى.
«بىزگە ەلدە تەڭگەنىڭ اينالىمىن كۇشەيتە تۇسكەن ماڭىزدى. يوگادا ايتقانداي،تەرەڭ تىنىس الىپ، دوللار جايلى ۇمىتساق. ءبىز تەڭگەگە قازاقستاندا ءومىر سۇرەمىز. ءبىز تەڭگەدە تولەمدەر جۇرگىزىپ، بارلىق زاتتى تەڭگەمەن ساتىپ الامىز»،- دەدى نازارباەۆ.
پرەزيدەنت تەڭگەنىڭ باعامىن قولداۋ قازاقستان حالقىن بىرىكتىرە تۇسەتىنىن ايتىپ ءوتتى.
«ويلانايىقشى، ەگەردە ءبىز تەڭگەنىڭ باعاسىن ۇلتتىق قوردىڭ ەسەبىنەن تۇراقتاندىرا بەرەتىن بولساق نە بولاتىن ەدى. بۇل دەگەنىڭىز مەملەكەت پەن حالقىنىڭ قازىرگى جاعدايدان الدە قايدا كەدەيلەنە تۇسۋىنە الىپ كەلەتىن ەدى»،- پرەزيدەنت «نۇر وتان» پارتياسىنىڭ جيىنىندا سويلەگەن سوزىندە.
«بۇل جاعدايدى قاراپايىم ادام تۇسىنبەۋى مۇمكىن. بىراق، ونى جيناپ قويعان قوردى شاشساق، بولاشاقا ەشقانداي اقشامىز قالمايدى. ونىڭ ورنىن قايتا تولتىرۋ كەرەك بولادى»،- دەپ قوستى ءوز سوزىنە نازارباەۆ.
ونىڭ سوزىنشە حالىقتىڭ جيعان-تەرگەنى «بىردەن قۇرتىلىپ قارجى جۇيەسى كۇيرەيتىن ەدى. ءوندىرىس ورىندارى جابىلىپ، شاعىن كاسىپكەرلىك توقتايتىن ەدى. جۇمىسسىزدار كوبەيىپ، اقشانىڭ قۇنسىزدانۋى ەسەلەپ ارتاتىن ەدى”.
«ءبىز دوللارعا ءوز تەڭگەمىزدى جەگىزگەندە نە بولاتىن ەدى. قازاقستاندىقتار بايىپ كەتەتىن بەدى؟ جوق»،- دەدى پرەزيدەنت.
نازارباەۆ ءوز سوزىندە دوللاردىڭ قۇنىن تۇراقتاندىرعان سايىن كاسىپكەرلەر مەن كاسىپورىندار سانى ازايا تۇسەتىنىن ايتىپ ءوتتى.
stan.kz
پىكىر قالدىرۋ