Nazarbaev qalasa bir dollardıñ qwnın bir teñgege teñestire alatının ayttı
kerey.kz
Nwrswltan Nazarbaev Qazaqstanda qajet bolsa bir AQŞ dolların- 1 teñge etuge bolatının ayttı.
Bwl turalı Stan.kz habarlaydı.
«Teoriyalıq twrğıda men parlamenttiñ qatısuınsız bir dollardı – bir teñge etuge ükim ete alamın. Mwnı jasauğa boladı», – dedi Nazarbaev «Nwr Otan» partiyasınıñ kezekten tıs jiınında.
«Bir jıldarı sonday bolğan. Ülken kisiler bwnı jaqsı biledi. Keñes Ükimeti kezinde 1 rubl'diñ resmi bağası 45 cent, tipti dollarğa da jetpeytin edi. Ol kezde eşqanday da qazirgidey baylanıs pen damığan mümkindikteri joq, tabiği önimderge qarap otırğan elde osınday jağday boldı. Esteriñizge tüsiriñizderşi ol kezde qanşa jeke käsiporındar bolıp edi? Joqqa teñ boldı», – dedi prezident.
Nazarbaevtıñ sözinşe memleket dollar bağamın twraqtandırğan sayın käsipkerliktiñ damuına sonşalıqtı kedergi keledi.
«Bizge elde teñgeniñ aynalımın küşeyte tüsken mañızdı. Yogada aytqanday,tereñ tınıs alıp, dollar jaylı wmıtsaq. Biz teñgege Qazaqstanda ömir süremiz. Biz teñgede tölemder jürgizip, barlıq zattı teñgemen satıp alamız»,- dedi Nazarbaev.
Prezident teñgeniñ bağamın qoldau Qazaqstan halqın biriktire tüsetinin aytıp ötti.
«Oylanayıqşı, egerde biz teñgeniñ bağasın Wlttıq qordıñ esebinen twraqtandıra beretin bolsaq ne bolatın edi. Bwl degeniñiz memleket pen halqınıñ qazirgi jağdaydan älde qayda kedeylene tüsuine alıp keletin edi»,- prezident «Nwr Otan» partiyasınıñ jiınında söylegen sözinde.
«Bwl jağdaydı qarapayım adam tüsinbeui mümkin. Biraq, onı jinap qoyğan qordı şaşsaq, bolaşaqa eşqanday aqşamız qalmaydı. Onıñ ornın qayta toltıru kerek boladı»,- dep qostı öz sözine Nazarbaev.
Onıñ sözinşe halıqtıñ jiğan-tergeni «birden qwrtılıp qarjı jüyesi küyreytin edi. Öndiris orındarı jabılıp, şağın käsipkerlik toqtaytın edi. Jwmıssızdar köbeyip, aqşanıñ qwnsızdanuı eselep artatın edi”.
«Biz dollarğa öz teñgemizdi jegizgende ne bolatın edi. Qazaqstandıqtar bayıp ketetin bedi? Joq»,- dedi prezident.
Nazarbaev öz sözinde dollardıñ qwnın twraqtandırğan sayın käsipkerler men käsiporındar sanı azaya tüsetinin aytıp ötti.
stan.kz
Pikir qaldıru