بيىل رەسەي 2050 جىلعا دەيىن جالعا العان بايقوڭىردىڭ 11,6 مىڭ گەكتار جەرىن قازاقستانعا بەرەدى، تەرريتوريا بايقوڭىر قالاسىنا جاقىن ماڭدا، – دەپ حابارلايدى رەسەيلىك “يزۆەستيا” باسىلىمى.

“قازاقستانعا جالپى اۋدانى 11,6 مىڭ گەكتار بولاتىن ءتورت جەر تەلىمىن بەرۋ تۋرالى كەلىسىم وتكەن جىلدىڭ كۇزىندە جاسالعان بولاتىن. ءبىز بۇل جەردى پايدالانبايمىز. كاداستر جۇمىستارى اياقتالدى، ءبىرىنشى جارتىجىلدىقتا جەردى جالدان شىعارۋ جۇزەگە اسىرىلادى. بۇل جەر تەلىمدەرىن بەرۋ تۋرالى باستامانى قازاقستاندىق سەرىكتەستەر كوتەردى – ولار ينفراقۇرىلىمدى دامىتۋدى جوسپارلاپ وتىر، قوناقۇيلەردى سالاتىن شىعار. “استانا ەكسپو-2017″ كورمەسىنە دايىندىق اياسىندا جۇزەگە اسىرىلىپ جاتقان شىعار”، – دەدى “جەر بەتىندەگى عارىشتىق ينفراقۇرىلىم نىساندارىن پايدالانۋ ورتالىعى” فەدەرالدىق مەملەكەتتىك بىرەگەي كاسىپورنى” باس ديرەكتورى رانو دجۋراەۆا.

ال قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتىنىڭ وكىلدەرى رف جالىنان شىعارىلعان جەر ۋچاسكەلەرىندە ينفراقۇرىلىم نىساندارىن قۇرۋ عانا ەمەس، سونىمەن قاتار، جاڭا جۇمىس ورىندارىن اشۋ ءۇشىن ءوندىرىس ۇيىمداستىرۋدىڭ دا العا قويىلعانىن اتاپ ءوتتى.

ايتا كەتەيىك، بۇل بايقوڭىر جەرىنىڭ رەسەيدىڭ جالىنان قازاقستاننىڭ يەلىگىنە مەرزىمىنەن بۇرىن وتكەن ءبىرىنشى جاعدايى.

tengrinews.kz