“جىگىتتەر” توبىنىڭ ەكس-مۇشەسى، ءانشى ەركىن نۇرجانوۆ  “توي جىرى” باعدارلاماسىندا قۇپيا ۇستاعان جەكە ءومىرىنىڭ بەتپەردەسىن اشىپ، “ادەمى اق بۇلتتان جاساپ العان” جارىنا قالاي قول جەتكىزگەنىن باياندادى.

بولاشاق جارىنا “كورىكتى، تەكتى بولسا” دەپ تالاپ قويعان ەركىن نۇرجانوۆ سۇيىكتىسىن جاقسى ارالاساتىن اعاسىنىڭ ۇيىندە كەزدەستىرگەن. 7-سىنىپتا وقيتىن دينارا ەسىمدى جاس قىزعا كوزى تۇسكەن ەركىن ءبىراز ۋاقىت بويجەتكەنمەن جاقسى ارالاسادى.

كەيىننەن اعا ەركىننىڭ جۇرەگىندە تۇسىنىكسىز سەزىمدەر پايدا بولادى، عاشىق بولعانىن تۇسىنگەن ءارتىس قىزعا تەلەفونمەن ۇيلەنۋگە ۇسىنىس جاسايدى.

“مەن جاقتان بالەنىڭ ءبارى. ۇسىنىس مەن جاقتان ءتۇستى. دينارا دا ەشقانداي قارسىلىق بىلدىرمەدى”، – دەيدى ءانشى.

فوتو: INSTAGRAM

ال ءانشىنىڭ جارى دينارا وزىنەن 14 جاس ۇلكەن جىگىتتىڭ سەزىمىن بىردەن قابىلداي الماعان.

“باسىندا ءبىرتۇرلى بولىپ ءجۇردىم. اعا بولىپ ءجۇردى. كەيىن سويلەسىپ-سويلەسىپ ۇيرەنىپ كەتتىك”، – دەيدى 16 جاستاعى ارۋ.

“وسىنداي- وسىنداي كۇنى قونام الماتىعا دەدىم دە، شىمكەنتتىڭ سالتىمەن الىپ قاشىپ كەتتىم. “شىمكەنتسكي ۆاريانت” دەپ ايتادى عوي”، – دەدى ەركىن ۇسىنىسى جايىندا.

وڭتۇستىكتە دۇركىرەپ وتكەن تويعا شوۋ-بيزنەس وكىلدەرىنىڭ تۇگەلى دەرلىك جينالىپ، ءانشىنىڭ قۋانىشىنا ورتاقتاسادى. ەركىننىڭ ونەردەگى باۋىرى تورەعالي تورەالى دومبىرامەن اق كەلىننىڭ بەتىن اشادى.

الماتىنىڭ ارۋىنا وڭتۇستىككە كەلىن بولۋ وڭايعا تۇسپەگەن. العاشىندا كەلىندىك پارىزىن وتەۋدە قيىندىقتارعا تاپ بولعان دينارا قازىر تۇرمىستىق ومىرگە توسەلىپ قالعان.

سۇحبات بارىسىندا حايىر اتتى ۇلىن اكە-شەشەسىنە بەرگەن جۇلدىزدى وتباسى تۇڭعىشىن ۇلكەندەردەن ەش قىزعانبايتىنىن ايتتى.