جاڭالىقتار زۋقا باتىر 150 جىل زۋقا باتىر 150 جىل تۇلعالار قازاق حاندىعىنا 550 جىل

زۋقا باتىردىڭ 150 جىلدىق مەرەي تويى قازاقستاندا باستالىپ كەتتى

kerey.kz

 |  Mar 11, 2016

 ناۋرىز ايىنىڭ 5-ىندە الماتى قالاسى، رايىمبەك اۋىلىنداعى زۋقا باتىر مەشىتىندە، “زۋقا باتىر 150 جىل” ۇيىمداستىرۋ القاسىنىڭ ۇيىمداستىرۋىمەن قازاقتىڭ قاس باتىرى زۋقا قاجى ءسابيتۇلىنىڭ 150 جىلدىق مەرەي تويىنا ارنالعان 200 ادامدىق ساۋىن ايتۋ اسى بەرىلدى.

اسقا دۇنيە ءجۇزى قازاقتار قاۋىمداستىعىنىڭ وكىلدەرى، الماتى قالاسىنداعى بەلگىلى كاسىپكەرلەر، اقىن-جازۋىلار مەن ونەر قايراتكەرلەرى جانە تۇركيا، ەۋروپا، قىتايداعى زۋقا باتىر ۇرپاقتارى قاتىستى.

“زۋقا باتىر 150 جىل” ۇيىمداستىرۋ القاسى، اس قوناقتارىنا، جىل بويى اتالىپ وتىلەتىن ءىس-شارالارمەن تانىستىردى. ءسوز العان زيالى قاۋىم مەن كاسىپكەرلەر وزدەرىنىڭ ساليقالى ويلارىمەن ءبولىستى. وسى شارا استانادا جالعاسىن تاپتى.

زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.

وتكەن ايدا، باتىردىڭ 150 جىلدىق مەرەي تويىن وتكىزۋ القاسىن قۇرىلعان. القا مۇشەلەرى بولىپ:  ءومىرحان التىن(گەرمانيا), قىزىرحان شولان(اۆستريا), نۇربەك نۇراحمەت، باياحمەت جۇمابايۇلى، باقىتبەك ءبامىشۇلى، نۇرلان بيبرال، راحمەتدوللا چەتين، قالمان قوچيگىت قاتارلى ازاماتتادان قۇرام تاپتى. القا توراعاسى ءومىرحان التىنعا(گەرمانيا), اتقارۋشى توراعاسى نۇربەك نۇراحمەتكە سەنىپ تاپسىرىلعان ەدى.

ەسكە الۋ شارالارى گەرمانيا، اۋستريا، انگليا، امەريكا، تۇركيا، قىتاي، موڭعىليا، قازاقستان سىندى 10 شاقتى ەلدە جۇرگىزىلەدى.

جۇماباي ءمادىبايۇلى

kerey.kz