تەكتىدەن تەكسىز تۋمايدى….
kerey.kz
ەرتەرەكتە، جىلدارىن ناقتىلاپ ايتا المايمىن. ورىنبوردا كوشەدە تۇرعان ءبىر دۇكەنگە قىز جىبەكتىڭ تۋعان اعاسى مامەتەك باس سۇعىپتى. جايىق بويىنان مىڭداعان قويىن گۋبەرناتورعا ساۋدالاۋعا كەلگەن بەتى ەكەن. ونداي اۋقاتتى ادامنىڭ سوڭىنا قالادا ءتىلماش ەرتەتىن ءداستۇر بولعان.
شارۋامەن جۇرگەسىن مامەتەك ۇستىندەگى كيىمىنە ءمان بەرمەسە كەرەك. باستا تىماق، ۇستىندە تون، اياعىندا ساپتاما ەتىك. جيھازدارعا قىزىققان ول تاتار ساۋداگەرىنەن «انا جيھازىڭ قانشا تۇرادى؟- دەسە، الگى تاتار كىر-قوجالاقتاۋ قازاقتى مەنسىنبەي «ءپۇلىڭ جەتپەيدى»،-دەپ جاۋاپ قايىرعان. «مىنا زاتىڭنىڭ باعاسى شە؟»،-دەسە دە ەستىگەن جاۋابى «پۇلىڭ جەتپەيدى» بولىپتى. سول كەزدە مامەتەك قاسىنداعى ءتىلماشىن شاقىرىپ الىپ «مىنادان سۇرا، مىنا بارلىق جيھازى، دۇكەنى تاتاردىڭ ايەل، بالا-شاعاسى، كوشەسى قانشا تۇرادى ەكەن؟» دەپتى. الگى تاتار ويىنا كەلگەن باعانى ايتىپ «وسىنشاما التىن ءدىلدا»دەپ ايتا سالعان. سويتسە، بىرنەشە كۇننەن كەيىن ەكى قاپ التىن ءدىلدا ارتقان تۇيە دۇكەننىڭ جانىنا توقتاعان. ءتورت جىگىت ءبىر كەنەر قاپتىڭ ءوزىن مىقشىڭداپ، دۇكەنگە كىرگىزگەن. الگى تاتار التىن ءدىلداسىن ساناپ الىپ، ەسەپ ايىرساقاندا ءبىر جارىم قاپ التىن ءدىلدا اۋىلعا قايتا قايتارىلعان ەكەن دەيدى. سول دۇكەندى جەرگىلىكتى تۇرعىندار «ماگازين مامەتەكا» دەپ ايتقان دەسەدى.
انىعى ول دۇكەن ورىنبوردا 1950 جىلدارعا دەيىن بولعان. قىز جىبەكتىڭ اكەسى سىرلىباي جايىق بويىنداعى ەڭ اۋقاتتى بايلاردىڭ ءبىرى بولعان. بالانىڭ ۇلكەنى داۋلەتيار بولسا، كەنجە بالا، قارا شاڭىراقتىڭ يەسى مامەتەك ەكەن. قىز جىبەك سىرلىبايدىڭ ءسۇت كەنجەسى، جالعىز قىزى. «التى اعام قايدا، التى اعام؟»-, دەپ فيلمدە زارلاناتىن قىز جىبەكتىڭ سىرى تاريحقپەن قيىسادى.اڭىز ەمەس، انىق وقيعا.
bmtv.kz
پىكىر قالدىرۋ