سەنات ەو-مەن “جاقىن ارىپتەستىك” كەلىسىمىن ماقۇلدادى
kerey.kz
پارلامەنت سەناتى، استانا (كورنەكى سۋرەت).
پارلامەنت سەناتى بۇگىن قازاقستان مەن ەۋروپا وداعى اراسىنداعى ەتەنە جاقىن ارىپتەستىك جانە ىنتىماقتاستىق تۋرالى كەلىسىمدى ماقۇلدايتىن زاڭ جوباسىن ماقۇلدادى دەپ حابارلايدى جەرگىلىكتى اگەنتتىكتەر.
كەلىسىمگە 21 جەلتوقساندا استانادا قازاقستاننىڭ سىرتقى ىستەر ءمينيسترى ەرلان ىدىرىسوۆ پەن ەو-نىڭ سىرتقى ىستەر جانە قاۋىپسىزدىك ساياساتى بويىنشا جوعارعى كوميسسارى فەدەريكا موگەريني قول قويعان. ىدىرىسوۆ كەلىسىمدە قارىم-قاتىناستىڭ 29 سالاسى قامتىلعانىن ايتقان. “كەلىسىمدە حالىقارالىق، ايماقتىق قاۋىپسىزدىك پەن قارۋسىزدانۋ سياقتى ساياسي ماسەلەلەردەن باستاپ، ساۋدا، ينۆەستيتسيا، ينفراقۇرىلىمدى دامىتۋ سياقتى ساۋدا-ەكونوميكالىق ماسەلەلەر جانە يننوۆاتسيا، مادەنيەت، سپورت پەن تۋريزم، قۇقىق قورعاۋ سالاسىنداعى ىنتىماقتاستىق بار” دەگەن.
ازات ەۋروپا / ازاتتىق راديوسى
پىكىر قالدىرۋ