ميللياردتار ەلىنەن ماڭدايى جارقىراپ شىققان باۋىرىمىزدىڭ بۇل جەڭىسى ارينە ۇلكەن جەتىستىك. بۇدان بۇرىنعى لوندون وليمپياداسىنا جولى تۇسپەگەن ەرلانبەك ەندى ەركىن كۇرەستەن برازيليا جەرىندە باعىن سىناماق. قىتاي قۇراماسىندا جۇرسە دە، ءيىسى قازاقتىڭ، الاش بالاسىنىڭ اتىن شىعارار وعلان ۇلعا استاناداعى ءبىر توپ ازامات اقجول تىلەپ، سىي-سياپات جاسادى.

قايدا بارسا دا قازاقتىڭ نامىسىن قورعايتىن سوپورتشى باۋىرىمىز بەن باپكەر ءالنۇر تورگەۇلىنا جانە ەرلانبەكتىڭ حۇڭ ۋي ەسىمدى (ۇلتى موڭعول) جەكە جاتتىقتىرۋشىسىنا راحمەت ايتقان استانالىق جىگىتتەر ولارعا قازاق جولىمەن شاپان جاۋىپ، قۇرمەت كورسەتتى. وسى ارادا ءالنۇر تۋرالى ايتا كەتسەك، ول كۇرەستەن قىتاي ۇلتتىق قۇراماسى جاتتىقتىرۋشىلارىنىڭ ءبىرى. ونىڭ دا ميللياردتىڭ ىشىنەن سارالانىپ شىعۋى تەگىن ەمەس. 2004 جىلى افينا وليمپياداسىنا قاتىسقان تاڭداۋلى قازاق سپورتشىلارىنىڭ ءبىرى.

بۇيىرتسا، الدا ريو وليمپياداسى. قازاقستان بالۋاندارىنان دا بىرنەشە سپورتشى ءدۇبىرلى دوداعا جولداما الدى. قازاق باھادۇرلەرىنە جانە الىستا جۇرسە دە ۇلتىنىڭ ۇرانىنا ەلىتەتىن ەرلانبەك باۋىرىمىزعا جەڭىس تىلەيمىز.

baq.kz