نادان بۋىن – ماڭگۇرت حالىق
kerey.kz
پرەمەر-ءمينيستردىڭ ورىنباسارى داريعا نازارباەۆانىڭ 2018-2019 وقۋ جىلىندا 9-10 سىنىپقا دەيىن وقىعان مەكتەپ تۇلەكتەرى اعىلشىنتىلدى بولادى دەگەن ءسوزى قوعامدا تەرىس پىكىر تۋعىزىپ وتىر. ءۇش جىلدىڭ ىشىندە مۇنداي وزگەرىس بولۋى اقىلعا سىيمايدى. 25 جىلدا مەملەكەتتىك ءتىلدى ۇيرەتىپ بارىنە سىڭىرە الماي وتىرعاندا اعىلشىن ءتىلى اسپاندا عوي.
ەڭ الدىمەن ونىڭ ماتەريالدىق بازاسى جوق. ماتەريالدىق بازانى قالىپتاستىرۋعا (مۇعالىمدەردى جاپپاي اعىلشىن تىلىندە ساۋاتتاندىرۋعا، اعىلشىن تىلىندەگى مەتوديكانى جەرگىلىكتى جەرگە بەيىمدەۋگە، وقۋ-مەتوديكالىق ادىستەمە قۇرالدارىن جاساپ شىعۋعا) وراسان قاراجات قاجەت. ەكونوميكانىڭ قازىرگى قايىرشىلىق حالىندە ونى جۇزەگە اسىرۋ مۇمكىن ەمەس.
ونىڭ ۇستىنە اعىلشىن ءتىلىن ساباق بەرەتىندەي جەتىك بىلەتىن ماتەماتيك، فيزيك مۇعالىمدەردى قايدان تاباسىز؟ ويلانباي سويلەنگەن ءسوز ورعا جىعادى. «اعىلشىن ءتىلىن بىلمەدىڭ، ۇيرەنۋىڭ ناشار» دەپ ديرەكتورعا جاقپاعان مۇعالىمدەردى قۋدالاۋدىڭ كوكەسى سوندا بولادى. سوندىقتان اعىلشىن تىلىنەن بۇرىن الدىمەن بۇكىل الەمدىك تاجىريبەگە سايكەس بالانى انا ءتىلىن، مەملەكەتتىك ءتىلدى جەتىك مەڭگەرۋىنە كۇش سالىنعانى ءجون!
P.S. مەكتەپ ءبىتىرىپ، تابيعاتىنان سانتەحنيك، سلەسار، ۇستا، قۇرىلىسشى، مالشى، قاراپايىم جۇمىسشى بولاتىن جاستارعا اعىلشىن ءتىلىنىڭ نە قاجەتى بار؟ بۇل تالاپ كوپتەگەن بالالاردىڭ ماتەماتيكا، فيزيكا پاندەرىن اعىلشىن تىلىندە وقي الماۋىنىڭ سالدارىنان 7-8 سىنىپتان مەكتەپتى تاستاپ كەتۋىن ۇدەتەدى. نادان بۋىن – ماڭگۇرت حالىقتىڭ نەگىزى.
پىكىر قالدىرۋ