الماتىدا قارعالى وزەنى ارناسىنان تاسىپ، العاباس كەنتى سۋ استىندا قالدى. بۇل تۋرالى ءىىد توتەنشە جاعدايلار كوميتەتىنە سىلتەمە جاساپ NUR.KZ پورتالى حابارلايدى.

العاباس سۋ استىندا. فوتو: تجك

29 ءساۋىر كۇنى كەشكىسىن الاتاۋ اۋدانىنىڭ بەيبىتشىلىك كوشەسىندە قارعالى وزەنى ارناسىنان تاسىدى دەيدى قۇزىرلى مەكەمە. سالدارىنان 14 ءۇي سۋ استىندا قالدى.

وقيعا ورنىندا الماتىنىڭ توتەنشە جاعدايلار دەپارتامەنتى قۇتقارۋشىلارى، الاتاۋ اۋدانى توتەنشە جاعداي ءبولىمى مەن «الماتى تازىلىق» قىزمەتكەرلەرى تۇرعىندارعا كومەك كورسەتۋدە.

70 ادام مەن 17 بىرلىك تەحنيكا جۇمىلدىرىلدى. قارعالى وزەنىنىڭ جاعاسى مەن ۇيلەردىڭ اينالاسىنا قۇم تولى قاپتار قويىلۋدا. 45 توننا قۇم ارنايى سۋ باسقان ايماققا اكەلىندى.

بۇعان دەيىن قاتتى جاۋىننان الماتى وبلىسىندا سۋ باسۋ قاۋپى تۋرالى ەسكەرتۋ جاسالعان.