2016 جىلعى 1 مامىردا استانا قالاسىندا 2015 جىلعى 21 جەلتوقساندا قول قويىلعان قازاقستان مەن ەۋروپالىق وداعى اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمىنىڭ (كاىك) كەيبىر ەرەجەلەرىنىڭ ۋاقىتشا قولدانىلۋى باستالدى-دەپ حابارلايدى قر ءسىم باسپا ءسوز قىزمەتى.
بۇعان دەيىن 2016 جىلعى 25 ناۋرىزدا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ كەلىسىمدى راتيفيكاتسيالاۋ تۋرالى زاڭعا قول قويدى.
ەۋروپالىق تاراپىنىڭ رەسمي حابارلاندىرۋىنا سايكەس ۋاقىتشا قولدانىسقا تەك ەۋروپالىق كوميسسياسىنىڭ قۇزىرەتىنە جاتاتىن ەرەجەلەر ەنەدى. ولاردىڭ اراسىندا سىرتقى ساياسات پەن قاۋىپسىزدىك، دەموكراتيالاندىرۋ جانە زاڭ ۇستەمدىگىن قامتاماسىز ەتۋ، ەكونوميكالىق جانە تۇراقتى دامۋ، ساۋدا، ەنەرگەتيكا، كولىك، قورشاعان ورتانى قورعاۋ، اۋىل شارۋاشىلىق جانە باسقا سالالار بويىنشا ىنتىماقتاستىق ماسەلەلەرى بار.
كەلىسىم تولىق كۇشىنە ەۋروپالىق وداعى 28 مۇشە مەملەكەتتەرىنىڭ ۇلتتىق پارلامەنتتەرىندە راتيفيكاتسيالاۋدان وتكەننەن كەيىن ەنەدى. وعان دەيىن 1995 جىلعى قازاقستان مەن ەۋروپالىق وداعى اراسىنداعى ارىپتەستىك پەن ىنتىماقتاستىق تۋرالى كەلىسىم ءوز كۇشىن ساقتايدى.
قازاقستان ەۋروپالىق وداقپەن وسىنداي ەكىنشى بۋىنداعى كەلىسىمگە قول قويعان ورتالىق ازياداعى ءبىرىنشى مەملەكەت بولدى.
جاڭا كەلىسىم ارەكەتتەستىكتىڭ شەگىن 29 سالاعا دەيىن كەڭەيتىپ، قازاقستاننىڭ دۇنيەجۇزىلىك ساۋدا ۇيىمىنا قوسىلۋىن جانە ەۋرازيالىق ەكونوميكالىق وداعىندا مۇشە ەل بولۋىن ەسكەرۋمەن قاتار، قر مەن ەو اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىعىنىڭ جاڭا مۇمكىندىكتەرىن اشادى.
كەڭەيتىلگەن ارىپتەستىك پەن ىنتىماقتاستىق تۋرالى كەلىسىمگە قول قويۋلۋى قازاقستان مەن ەو اراسىنداعى قارىم-قاتىناستارىن دامىتۋ جانە نىعايتۋىنداعى ماڭىزدى قادام بولىپ، ىنتىماقتاستىقتىڭ جاڭا دەڭگەيگە وتكەندىگىن ايقىندايدى.
2016 ج. 29 ساۋىردە سىرتقى ىستەر ءمينيسترى ەرلان ىدىرىسوۆ «ەگەمەن قازاقستان» گازەتىندە ءوزىنىڭ ماقالاسىندا اتاپ وتكەندەي: «ەۋرووداقپەن جاڭا كەلىسىم ەۋروپالىق ينستيتۋتتارمەن دە، ەۋروپا مەملەكەتتەرىمەن دە بارلىق دەڭگەيدە ءارى قاراي ىنتىماقتاسۋدى تەرەڭدەتۋدىڭ بەرىك نەگىزىن قالايتىندىعىن، سونداي-اق قازاقستاننىڭ ودان ءارى ساياسي جانە ەكونوميكالىق دامۋىنىڭ قوزعاۋشى كۇشى بولادى».
كەلىسىمنىڭ تولىق ماتىنىمەن جانە كەلىسىمنىڭ ۋاقىتشا قولدانۋعا ەنگەن ەرەجەلەرى تۋرالى ەۋروپالىق تاراپىنىڭ حابارلاندىرۋىمەن كەلەسى ەلەكتروندىق سىلتەمەسى ارقىلى تانىسۋعا بولادى:
پىكىر قالدىرۋ