2016 jılğı 1 mamırda Astana qalasında 2015 jılğı 21 jeltoqsanda qol qoyılğan Qazaqstan men Europalıq Odağı arasındağı Keñeytilgen äriptestik pen ıntımaqtastıq turalı kelisiminiñ (KÄIK) keybir erejeleriniñ uaqıtşa qoldanıluı bastaldı-dep habarlaydı QR SİM baspa söz qızmeti.
Bwğan deyin 2016 jılğı 25 naurızda Qazaqstan Respublikasınıñ Prezidenti Nwrswltan Nazarbaev Kelisimdi ratifikaciyalau turalı zañğa qol qoydı.
Europalıq tarapınıñ resmi habarlandıruına säykes uaqıtşa qoldanısqa tek Europalıq Komissiyasınıñ qwzıretine jatatın erejeler enedi. Olardıñ arasında sırtqı sayasat pen qauipsizdik, demokratiyalandıru jäne zañ üstemdigin qamtamasız etu, ekonomikalıq jäne twraqtı damu, sauda, energetika, kölik, qorşağan ortanı qorğau, auıl şaruaşılıq jäne basqa salalar boyınşa ıntımaqtastıq mäseleleri bar.
Kelisim tolıq küşine Europalıq Odağı 28 müşe memleketteriniñ wlttıq parlamentterinde ratifikaciyalaudan ötkennen keyin enedi. Oğan deyin 1995 jılğı Qazaqstan men Europalıq Odağı arasındağı äriptestik pen ıntımaqtastıq turalı kelisim öz küşin saqtaydı.
Qazaqstan Europalıq Odaqpen osınday ekinşi buındağı kelisimge qol qoyğan Ortalıq Aziyadağı birinşi memleket boldı.
Jaña kelisim ärekettestiktiñ şegin 29 salağa deyin keñeytip, Qazaqstannıñ Düniejüzilik sauda wyımına qosıluın jäne Euraziyalıq Ekonomikalıq Odağında müşe el boluın eskerumen qatar, QR men EO arasındağı sauda-ekonomikalıq jäne investiciyalıq ıntımaqtastığınıñ jaña mümkindikterin aşadı.
Keñeytilgen äriptestik pen ıntımaqtastıq turalı kelisimge qol qoyuluı Qazaqstan men EO arasındağı qarım-qatınastarın damıtu jäne nığaytuındağı mañızdı qadam bolıp, ıntımaqtastıqtıñ jaña deñgeyge ötkendigin ayqındaydı.
2016 j. 29 säuirde Sırtqı ister ministri Erlan Idırısov «Egemen Qazaqstan» gazetinde öziniñ maqalasında atap ötkendey: «Euroodaqpen jaña Kelisim europalıq instituttarmen de, Europa memleketterimen de barlıq deñgeyde äri qaray ıntımaqtasudı tereñdetudiñ berik negizin qalaytındığın, sonday-aq Qazaqstannıñ odan äri sayasi jäne ekonomikalıq damuınıñ qozğauşı küşi boladı».
Kelisimniñ tolıq mätinimen jäne kelisimniñ uaqıtşa qoldanuğa engen erejeleri turalı europalıq tarapınıñ habarlandıruımen kelesi elektrondıq siltemesi arqılı tanısuğa boladı:
Pikir qaldıru