قاراقات پەن قىدىءرالى

تۋعان كۇن يەسىنىڭ جارى قاراقات ءوز قۇتتىقتاۋىن ەرەكشە جەتكىزىپ، توقال الىپ بەرۋگە كەلىسىمىن بەردى.

«مەن جالپى ونەردە دە، ومىردە دە جولى بولعان اداممىن… ءوز باقىتىمدى ماقتانۋ ءۇشىن ەمەس، سەزىمنىڭ قۇنى كەتكەن زاماندا كەيىنگىگە ۇلگى بولسىن دەپ ايتامىن… راس، مەنىڭ ەرىم ۇلگى تۇتۋعا لايىق ازامات! ونىڭ قازاق مادەنيەتiنە سىڭىرگەن ەڭبەگىن، ۇلتىنا دەگەن ماحابباتىن، وتباسىنا دەگەن ادالدىعىن، ماعان دەگەن قۇرمەتىن، بالالارىنا دەگەن ىقىلاسىن سوزبەن جەتكىزۋ مۇمكىن ەمەس… اللا بۇيىرتىپ 11 جاسىمدا الماتىعا كەلدىم….العاش رەت 18 جاسىمدا عاشىك بولدىم…3-4 جىل بiرگە ءجۇرiپ بiر ارام پيعىل كورسەتكەن ەمەس….ءسويتىپ ءجۇرىپ ماحاببات الەمىنىڭ ەسىگىن اشقىزىپ، وزiنە عاشىك قىلعان ناعىز ەر ازاماتقا ءتان ءور مiنەز، ەشكiمگە ۇقسامايتىن وزiنە عانا ءتان بولمىسى، تەكتiلiگi ەدى …شىنايى سەزىممەن قوسىلدىق، وتباسى، وشاق قاسى ءۇشىن جارالعان ايەلسىڭ، ۇيدە وتىر دەسە دە كونەر ەدىم، بىراق جۇرتتىڭ الدىنا شىعۋعا لايىقسىڭ دەپ جارقىراتىپ الىپ شىقتى… قايدا بارسا دا قاسىنان ءبىر ەلى تاستاماي قاقاتىم دەپ ەركەلەتۋدەن ءبىر جالىققان ەمەس… قىدەكەڭ وسەك-اياڭنان قاشاندا بيىك بولدى، قاناتتىعا قاقتىرماي، تۇمسىقتىعا شوقتىرماي قورعاپ، قولداپ كەلەدi… دۇنيەنىڭ ءبىز باسپاعان جەرى جوق، تالاي توردە قوناق بولدىم، جارىمنىڭ ايالى الاقانىندا ەركەلەپ ءجۇرىپ ءتورت بالانى دۇنيەگە اكەلدىم… اسىل ازاماتىما دەگەن شەكسىز قۇرمەتىمدى جازىپ جەتكىزە الماسىم انىق…»، – دەپ ءومىر جولىندا قىدىرالىدەن تەك جاقسىلىق كورگەنىن باياندادى.

قاراقات ءابىلدينا ەرەكشە سىي جاسايتىنىن دا جاسىرمادى.

«بۇگىنگى مەرەيلى تۋعان كۇنىنە نە سىيلاسام ەكەن، قالاي قۋانتسام ەكەن، ىرزالىعىمدى قالاي بىلدىرسەم ەكەن دەپ كوپ ويلاندىم… كوپ….جالپى، جاقسى جار تابۋ اللانىڭ ەڭ ۇلكەن نىعمەتى عوي، ال ەندى قىدىرداي ەردىڭ ەرىنە جار بولۋدى ارماندايتىن بويجەتكەندەر از ەمەس … وسى جاعىن ەسكەرە كەلە مەن ازاماتىمنىڭ التىن باسىن قۇرمەتتەي وتىرىپ، باسىمدى يە وتىرىپ، اللا رازىلىعى ءۇشiن ەكىنشi ايەل الىپ بەرگەنiم دۇرىس بولار دەپ شەشiپ وتىرمىن»، – دەپ توقال سىيلايتىنىن ءبىلدىردى.

ءسوزىن ءارى قاراي «كەشەگى قۇنانبايلار سەكiلدى بiر وتباسىن عانا ەمەس، بiر اۋلەتتiڭ ءتiپتى ءبىر كاۋىمنىڭ جۇگiن كوتەرەتiن سەندە قاجىر-قايرات جەتكiلiكتi… سەن باستاعان تiرلiكتiڭ بەرەكەسiز اياقتالعان كەزى بولعان ەمەس…»، – دەپ جان جارىنا سەنىمدىلىك تانىتتى.

وقىرماندارى تۋسiنبەي قالعان شىگار دەگەن ويمەن «الحامدۋليللاح! بiزدە ءبارى جاقسى! ينشاللا جاقسى بولادى دا… تۋعان كۇنiڭمەن جانىم!»، – دەپ ويىن اياقتادى ءابىلدينا

جەلى قولدانۋشىلارى بۇل جاڭالىققا قاتىستى ءتۇرلى پىكىر بىلدىرۋدە. «تۋعان كۇنگە ادام سىيلاساڭىز، بۇل سەنساتسيا»، «قىدىرالى ەكى وتباسىنى بىرگە ۇستاي الاتىنىنا ءوز باسىم سەنەمىن»،- دەپ قولداۋشىلار تابىلسا، «قالجىڭداعانىڭىز با؟»، «بىرگە قارتايعانعا نە جەتسىن؟»،- دەپ قارسىلىق تانىتۋشىلار دا جوق ەمەس.

nur.kz