فۋتبولدان قازاقستان قۇراماسى جولداستىق كەزدەسۋدە قىتاي قۇراماسىن جەڭدى. 

ماتچتىڭ ءبىرىنشى تايمىندا ەسەپ اشىلعان جوق. الايدا ءبىرىنشى تايم اياقتالار ساتتە ۇلان قونىسباەۆ قىتايلىق فۋتبولشىلاردىڭ بىرىمەن دوپقا تالاسۋدا اياعىن سىندىرىپ، الدى. «اتىراۋ» فۋتبولشىسىن الاڭنان اۋرۋحاناعا الىپ كەتتى.

ەكىنشى تايمدا قونىسباەۆتىڭ ورنىنا سۇيىمباەۆ شىقتى. ال ماتچتىڭ 69 مينۋتتا ازات نۇرعاليەۆ قىتاي قاقپاسىنان ساڭىلاۋ تاۋىپ، ەسەپتە قۇرامانى العا شىعاردى. 83 مينۋتتا ەلدوس احمەتوۆ ەكىنشى ەسكەرتۋىن الىپ، الاڭنان قۋىلدى. سوڭعى جەتى مينۋتتا ۇلتتىق قۇراما ويىنشىلارى تەك قورعانىسقا كوڭىل ءبولىپ، تابلوداعى ەسەپتى ساقتاپ قالدى.

تالعات بايسۋفينوۆ باپتاپ جۇرگەن قازاقستان قۇراماسى ءتورت ماتچتا قاتارىنان جەڭىلگەن جوق. وسىعان دەيىن ءبىزدىڭ فۋتبولشىلار لاتۆيانى، ازەربايجاندى جەڭگەن جانە گرۋزيامەن تەڭ ويناعان.

قىتاي — قازاقستان 0:1 (0:0)
گول: نۇرعاليەۆ 69 (0:1)
ەسكەرتۋلەر: جەن حان 44, رون حاو 70 — بايجانوۆ 53, لوگۆينەنكو 61, احمەتوۆ 74, سۇيىمباەۆ 90
الاڭنان قۋىلدى: احمەتوۆ 83
قىتاي: ۆان دالەي، جەن حان، فەن سياوتين، چجان لينپەن، چجاو تسزيان، ۋ سي، حاو تسزيۋنمين، رون حاو، ۋ لەي، لي سيۋپەن، يان سيۋي
قازاقستان: لوريا، شومكو، لوگۆينەنكو، مالىي، احمەتوۆ، سماكوۆ (تاگىبەرگەن 89), بايجانوۆ (مۋحۋدينوۆ 67), قونىسباەۆ (سۇيىمباەۆا 46), نوسەرباەۆ (مۋرتازاەۆ 76), مۋجيكوۆ (دوسماگامبەتوۆ 90), حيجنيچەنكو (نۇرعاليەۆ 60)
7 ماۋسىم. داليان.

فۋتبولدان قازاقستان ۇلتتىق قۇراماسىنىڭ ويىنشىسى ۇلان قونىسباەۆ قىتايمەن وتكەن ماتچتىڭ ءبىرىنشى تايمىندا اياعىن سىندىرىپ العان.

«اتىراۋ» ويىنشىسى ەندى كەم دەگەندە ءۇش ايداي الاڭعا شىعا المايدى. قونىسباەۆ قىتاي مەن قازاقستان ماتچىنىڭ 45 مينۋتىندا قىتايلىق جەن حانمەن سوقتىعىسىپ قالعان. قىتاي فۋتبولشىسى ماتچتان كەيىن قونىسباەۆتان كەشىرىم سۇرادى.

alaman.kz