كۋاگەر بايان ەسەنتاەۆانى ۇرىپ-سوعۋ وقيعاسىنىڭ ءمان-جايىن باياندادى
kerey.kz
كۋاگەر بايان ەسەنتاەۆانى ۇرىپ-سوعۋ وقيعاسىنىڭ ءمان-جايىن ايتىپ بەردى دەپ حابارلايدى Tengrinews.kz.
كۇدىكتى رەتىندە ونىڭ كۇيەۋى تىركەلگەنى بەلگىلى.
الدىن الا مالىمەت بويىنشا، ەسەنتاەۆا زارداپ شەككەن قاقتىعىس ونىنشى ماۋسىمدا قۇلجا تاس جولىندا ەڭبەكشى اۋىلىنىڭ ماڭىنداعى جانار-جاعارماي بەكەتىنە قاراما-قارسى تۇستا بولعان. Tengrinews.kz ءتىلشىسى وقيعا بولعان جەرگە بارىپ، كۋاگەرمەن اڭگىمەلەستى.
كۋاگەردىڭ ايتۋىنشا، جانارماي قۇيۋ بەكەتىنە قاراما-قارسى تۇستا ەكى كولىك تۇرعان. ولاردىڭ ماڭىندا ەر ادام مەن ايەل ۇرىسىپ جاتقان.
“شۋلى ورىن بولعاندىقتان ولاردىڭ ايقايى ەستىلمەدى. ەر ادام كوشەدە تۇردى، ايەل بولسا، كولىكتى اينالا جۇگىرىپ، تەرەزەسىن قاعىپ جاتتى. باستاپقىدا نازار اۋدارمادىق، قىز بەن جىگىت ۇرىسىپ جاتقان شىعار دەدىك تە قويدىق. كەيىن عانا تانىمال ادامدار ەكەنىن بىلدىك”، – دەيدى كۋاگەر.
ونىڭ ايتۋىنشا، كولىكتەر شامامەن 15-20 مينۋت تۇرعان. ەسەنتاەۆانىڭ سوققىعا جىعىلعان ءساتىن ول بايقاماپتى، ءبىر ۋاقىتتا ەكى كولىك تە كەتىپ قالىپتى. كەيىن وقيعا ورنىنا جەدەل جاردەم كەلگەن، بىراق كۋاگەردىڭ ايتۋىنشا، ول جاقتا ەشكىم بولماعان. ال بايان ەسەنتاەۆانىڭ اۋرۋحاناعا قالاي جەتكەنى ازىرشە بەلگىسىز.
سونىمەن قاتار، ءتىلشى تالعار اۋدانىنداعى ورتالىق اۋرۋحانادا بولدى. مۇندا بولجام بويىنشا ەسەنتاەۆا جاتىر. اۋرۋحاناداعىلار پروديۋسەردىڭ اۋىر جاعدايدا كەلىپ تۇسكەنىن جانە جانساقتاۋ بولىمىندە جاتقانىن حابارلادى.
بۇل دەرەككە بايلانىستى قىلمىستىق كودەكستىڭ 106-بابى بويىنشا (“دەنساۋلىققا قاساقانا اۋىر زيان كەلتiرۋ”) سوتقا دەيىنگى تەرگەۋ ءجۇرىپ جاتىر.
كۇدىكتى رەتىندە ونىڭ كۇيەۋى تىركەلگەن. وعان قاتىستى بۇلتارتپاۋ شاراسىن تاڭداۋ ماسەلەسى شەشىلىپ جاتىر. بۇل مالىمەتتى ءىىد وكىلدەرى راستاپ وتىر.
پىكىر قالدىرۋ