جاڭالىقتار كوز قاراس ساياسات

اككى شەنۋنىكتەردىڭ ورالۋى

kerey.kz

 |  Jun 21, 2016

1.06.2016.

سونىمەن مەملەكەت باسشىسى ارنايى جارلىقپەن پرەزيدەنت اكىمشىلىگىنىڭ باسشىسى بولىپ تاعايىندالعان ادىلبەك جاقسىبەكوۆتى جاڭا عانا اقوردا ۇجىمىنا تانىستىردى. ادىلبەك مىرزا بۇعان دەيىن 2004-2008 جىلدار ارالىعىندا پرەزيدەنت اكىمشىلىگىن ءبىر رەت باسقارىپ كورگەن. ال نۇرلان نىعماتۋللين بۇگىن ءماجىلىس دەپۋتاتى بولىپ تاعايىندالىپ ەدى، ەندى ەرتەڭ-بۇرسۇگۇنى دەپۋتاتتار ونى سپيكەرلىككە سايلاپ جىبەرەدى-اۋ دەپ “قورقىپ” وتىرمىز. ول دا بۇدان بۇرىن، 2012 جىلى 20-شى قاڭتاردان 2012 جىلى 3-ءساۋىر ارالىعىندا پارلامەنتى ءماجىلىسىنىڭ توراعاسى قىزمەتىن ءبىر رەت اتقارىپ قويعان.
اسەت يسەكەشوۆتىڭ استانا قالاسىنىڭ اكىمى بولىپ تاعايىندالۋىنا بايلانىستى ونىڭ ورنىنا ينۆەستيتسيالار جانە دامۋ ءمينيسترى بولىپ جەڭىس قاسىمبەك تاعايىندالدى. باقتىقوجا ىزمۇحامبەتوۆ ومىرزاق وزعانباەۆتىڭ ورنىنا رەسپۋبليكالىق ارداگەرلەر ۇيىمىنىڭ توراعاسى بولىپ سايلاندى. ىشكى مۇمكىندىگى مول باقتىقوجانىڭ بۇل قىزمەتىنە شىنىمەن قوڭىلتاقسىپ قالدىق. دەپۋتاتتىق ورىنتاق كەرەك بولىپ قالعان عوي.
مەنى ويلاندىراتىنى ءبىر ورىندا ىستەپ كەتكەن ادامداردىڭ سول ورىنعا ەكىنشى رەت قايتىپ ورالۋى (ك.ءماسىموۆ، ءا.جاقسىبەكوۆ، ن.نىعماتۋللين) سياقتى فاكتىلەر قازاقستاندا كادرلىق تاپشىلىق ورىن الىپ وتىرعانىن، ەلباسىعا «سەنىمدى» ادامدار لەگىنىڭ مۇلدە ازدىعىن بايقاتادى. ءارى جاڭا دا كونە كادرلار مەملەكەتتىك بيلىكتى نىعايتپايتىنى، كۇردەلى وزگەرىستەر جاساۋعا قۇلىقسىز بولاتىنى راس. ۇلتتىق مۇددەلەردى العا جىلجىتۋ ورنىنا اككى شەنەۋنىكتەر كوبىنە وزدەرىنىڭ سۇيىكتى «كىلەماستى» ويىندارىمەن شۇعىلدانىپ كەتەدى-اۋ دەگەن كۇدىك تە جوق ەمەس.
ءبىر ءسۇيىنىشتىسى نۇرلان نىعماتۋلليننىڭ اقورداداعى ىقپالىنىڭ السىرەۋىمەن سەرىك احمەتوۆكە، سەيىتقازى ماتاەۆقا، ت.ب. تاعىلعان ايىپتار بوساڭسىر، ادىلەتتىلىككە جەتۋدىڭ اۋىر جولى جەڭىلدەر دەپ ۇمىتتەنەمىز.

مارات توكاشباەۆتىڭ facebook پاراقشاسىنان الىندى