قازاقستاندىق شوۋ-بيزنەس وكىلدەرى سىمباتتى تاندەرىن كورسەتىپ، سۋ كيىمىمەن سۋرەتكە تۇسكەندى ۇناتادى. ءبىرى ولاردىڭ بۇل ارەكەتىن يمانسىزدىققا بالاسا، ەندى ءبىرى قىزعانا قارايدى. سۇلۋلىقتارىنا تامسانىپ، قوشتاي تۇسەتىندەر دە جوق ەمەس دەپ جازادى Stan.kz.

جارتىلاي جالاڭاش سۋرەتكە تۇسۋگە قۇمار جانداردىڭ ءبىرى – لۋينا. بۇل بويجەتكەن بيكيني كيىپ سۋرەتكە تۇسۋدەن ەش قىسىلمايتىنىن ايتادى. ينتەرنەت بەتتەرىنەن ونىڭ سۋ كيىمىندەگى سۋرەتتەرىن وڭاي تاۋىپ الۋعا بولادى.

لۋينانىڭ ءتانىنىڭ ءمىنسىز بولۋى سپورتتىق جاتتىعۋلار مەن بالا بوسانباۋىنىڭ سالدارى بولسا كەرەك. ال ءبىر ەمەس، بىرنەشە بالا تاربيەلەپ وتىرعان ليدونىڭ وزىندىك قۇپياسى بار ەكەنى انىق.

ءانشىنىڭ Instagram جەلىسىندەگى سۋرەتتەرىن كورگەن جەلى قولدانۋشىلارى ونىڭ كوپبالالى انا ەكەنىنە سەنبەي جاتادى. سۋ كيىمىندە سۋرەتكە ءتۇسىپ، جەكە جاتتىقتىرۋشىمەن دايىندىق جۇرگىزەدى. مۇنىمەن قاتار، ءتۇرلى ديەتا دا ۇستايدى.

ليدو كۇنىنە التى ۋاقىت تاماقتانۋعا كەڭەس بەرەدى ءارى ءمىنسىز سىمباتىن تۇقىمقۋالاۋشىلىقپەن بايلانىستىرادى.

“تاعامدى ءجيى، بىراق از-ازدان جەۋ كەرەك. دالىرەك ايتسام، ءار 2,5 ساعات سايىن. سوندا ادام ءبىر كۇن ىشىندە التى ۋاقىت تاماقتاناتىن بولادى. بۇلشىق ەتتەر ءوسۋ ءۇشىن تەك ەت جەۋ كەرەك. بۇدان وزگە جۇمىرتقا، كوكونىس، جاڭعاقتىڭ پايداسى مول. شىنىمدى ايتسام، ەتتى ونشا ۇناتپايمىن، ءتاتتىنى كوبىرەك جاقسى كورەمىن. سوندىقتان بۇل ديەتانى ۇستاۋعا قاتتى قينالامىن”، – دەيدى ول.

سۋ كيىمىمەن سۋرەتكە ءتۇسۋدى ۇناتاتىنداردىڭ ءبىرى – ماقپال يسابەكوۆا. كوپشىلىك ءانشىنىڭ جەلى قولدانۋشىلارىنىڭ اشۋىنا تيۋ ءۇشىن وسىلاي جاسايتىنىن ايتادى.

ايسۇلۋ ازىمباەۆا الدىنعا قويعان ماقساتىنا جەتپەيىنشە تىنبايتىن جانداردىڭ ءبىرى. جۋىردا ول ەلبرۋس شىڭىن باعىندىرعان بولاتىن. نەبارى 28 جاسىندا وتىزدان استام مەملەكەتكە ساياحاتتاپ ۇلگەرگەن ەكەن.

كۇندەلىكتى تۇرمىستا كەجۋال ستيلىندە كيىنسە دە، بويجەتكەن ساحنالىق قويىلىمداردا اشىق-شاشىق كيىمدەر كيۋگە قىمسىنبايدى. مۇنىمەن قاتار، فوتوسەسسيالارعا جالاڭاش تۇسەدى. دەسە دە، بويجەتكەن ادەتتە ۇستىندە ءتۇسى دەنە تەرىسىمەن بىردەي كيىمنىڭ بولاتىندىعىن ايتادى.

Facebook ارقىلى ءبولىسۋءى

شەتەلدەگى دەمالىستان العان اسەرىن بولىسەمىن دەپ جۋىردا تەلەجۇرگىزۋشى دينارا ءساتجاننىڭ باسى داۋعا قالعان بولاتىن. كوپشىلىك ونىڭ سۋ كيىمىندەگى سۋرەتتەرىنە يمانسىزدىقتىڭ نىشانى دەپ باعا بەرگەن-ءدى.

شىنايى بولمىستارىن كورسەتۋدەن ەش قىمسىنبايتىن جۇلدىزدى جۇپ – ديانا مەن رومان. ميرونوۆ مىرزا ءتىپتى دارەتحانادا وتىرىپ تۇسكەن سۋرەتىن كورسەتكەن بولاتىن. ديانا دا سۋ كيىمىندەگى سۋرەتتەرىن ءجيى سالادى.ceb

بايان ەسەنتاەۆا مەرەكەلىك وتىرىستارعا ۇستامدى وبرازدا كيىنەدى. ارا-تۇرا كەجۋال ستيلىندەگى كيىمدەردى دە تاڭدايدى. دەسە دە، پروديۋسەر قىپشا بەلىن كورسەتىپ ءجيى ماقتانادى. ءتىپتى، ءبىر كەزدەرى ورامال تاعىپ، ورانىپ اۋرە بولمايتىنىن دا ايتقان-دى.

بۇل بويجەتكەننىڭ ەرمىنەزدىلىگىنەن قىز قاۋىمى عانا ەمەس، سۇيىكتىسى دە قورقادى ەكەن. ءوزى دە كەز كەلگەن ساتتە باتىلدىق تانىتۋعا دايىن ەكەنىن ايتىپ وتىرادى. ءجانيا دجۋرينسكايا كۇندەلىكتى تۇرمىستا دا، ءتۇسىرىلىم كەزدەرىندە دە اشىق كيىمدەر كيۋگە ەش قىمسىنبايدى. ءتىپتى ارا-تۇرا كىندىگىن اشىپ، قىپشا بەلىمەن ماقتانىپ تا الادى.

اسەل سادۋاقاسوۆانىڭ بۇگىنگى وبرازى وزگەرگەن. بۇعان سەبەپ تە جوق ەمەس. بويجەتكەن بىرنەشە جىل بۇرىن سۇيىكتىسىنە الدانعان بولاتىن. ۇيلەنەمىن دەپ ۋادە بەرگەن جىگىتى پاتەرى مەن كولىگىن الىپ قانا قويماي، جوعارىداعى سۋرەتتى بارلىق الەۋمەتتىك جەلىگە تاراتىپ جىبەرگەن. وسى وقيعادان كەيىن سادۋاقاسوۆانىڭ بولمىسى دا، كيىنۋ مانەرى دە وزگەرگەن. ءدال قازىر ءوز جاسىنا ساي، ۇستامدى وبرازداردى تاڭدايدى.

داريا ۆەربوۆا اشىق كيىمدەر كيگەنىمەن قويماي، وزىنە سىني پىكىر جازعان قازاقستاندىقتارعا كوڭىلى تولمايتىندىعىن ايتىپ وتىرادى. ءبىر كەزدەرى ول جۇرتتىڭ ىزاسىنا تيۋ ءۇشىن سۋ كيىمىندە ستريپتيز بيلەپ بەرگەن بولاتىن. بۇل ارەكەتىنە جىگىت قاۋىمىنىڭ كوپ بولىگى ريزا بولعان-دى.

nur.kz