جاڭالىقتار زۋقا باتىر 150 جىل زۋقا باتىر 150 جىل تۇلعالار قازاق حاندىعىنا 550 جىل

تۇركيادا دۇنيە ءجۇزى قازاقتارىنىڭ كىشى قۇرىلتايى ءوتتى.

kerey.kz

 |  Jul 28, 2016

 2016 جىلى 7-9 شىلدەارىلىعىنداتۇركيانىڭ ستامبۋل قالاسىندا دۇنيە ءجۇزى قازاقتار قاۋىمداستىعىنىڭ كىشى قۇرىلتايى ءوتتى. بيىلعى كىشى قۇرىلتاي قازاقستان تاۋەلسىزدىگىنىڭ 25 جىلدىعى جانە ۇلت كوسەمى ءاليحان بوكەيحان مەن زۋقا باتىردىڭ 150 جىلدىعىنا ارنالدى.

قۇرىلتاي اياسىندا الاش ارىسى ءاليحان بوكەيحان اتىنداعى حالقارالىق فۋتبول تۋرينەرى مەن زۋقا باتىر اتىندىعى ۇلىتتىق سپورت جارىستارى ۇيىمداستىرىلدى. جارىس جەڭىمپازدارىنا دجق مەن “زۋقا باتىر 150 جىل” ۇيىمداستىرۋ القاسىنىڭ ارنايى سيلىقتارى بەرىلدى. دوڭگەلەك ۇستەل، قولونەر مەن كىتاپ كورمەسى ۇيىمداستىرىلدى. ال قازاق اۋەنىنە شولىركەگەن الىستاعى اعايىن ءۇشىن قازاقستاندىق ونەرپازدار ۇمىتىلماس ءان كەشىن سىيلادى.

23-ءشى شىلدە يزميردەگى الاش قىمىز جايلاۋىدا زۋقا باتىردىڭ 150 جىلدىعىنا ارالعان توي بولدى. تويدى يزمير اكىمشىلىگى ۇيىمداستىردى. ەۋروپا، قازاقستان جانە تۇركيانىڭ ءار ايماعىنان قوناقتار كەلىپ قاتىستى. يزمير— تۇركيانىڭ باتىسىندا، يزمير شىعاناعىنىڭ جاعالاۋىنداعى قالا. ىستامبۇلدان كەيىنگى ەكىنشى ۇلكەن پورتتى قالا.

زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.

ەسكە الۋ شارالارى قازاقستان، گەرمانيا، اۆستريا، انگليا، امەريكا، تۇركيا، قىتاي، موڭعىليا، رەسەي سىندى 10 شاقتى ەلدە جۇرگىزىلەدى.

جۇماباي ءمادىبايۇلى

kerey.kz