بيىل قىركۇيەكتە پۋتين بيلىكتەن كەتەدى دەگەن ەكونوميست بولجامىنداعى مەرزىمدى تاعى جارتى جىلعا ۇزارتتى. ونىڭ پايىمىنشا، رف پرەزيدەنتى ەندى جارتى جىلدان سوڭ بيلىكتەن كەتۋى ىقتيمال.
بۇل تۋرالى ءازىربايجان ەكونوميسى فيكرەت مامەدوۆ فەيسبۋكتەگى جەكە پاراقشاسىنداجازادى.
«2014 جىلدىڭ قىركۇيەگىندە 2 جىلدىڭ ىشىندە ءپۋتيندى بىرەۋ ءولتىرىپ كەتەدى نەمەسە كوتەرىلىس بولىپ، ول بيلىكتەن كەتەدى» دەپ جازىپ ەدىم. ول بولجامداعى مەرزىمگە از قالدى. شىدامسىز كەيبىرەۋلەر ماعان چاتقا شىعىپ: «ءسىز قاتەلەسكەن سەكىلدىسىز» دەپ بولجامىمدى جوققا شىعارىپ، بەتىمە باسىپ جاتىر. بۇل رەتتە ءۇنسىز قالۋدى ءجون كورمەدىم.
جولداستار، مەن بولجامىمدى ەكونوميكالىق كورسەتكىشكە سۇيەنىپ جاسادىم. مەن رەسەي ەكونوميكاسى شىڭىراۋعا باتىپ، حالىق قينالادى. مۇندايدا وليگارحتار مەن گەنەرالدار، نە بولماسا ورىس حالقىنىڭ ءوزى-اق كوشباسشىسىن تىقسىرا سالادى دەپ سانادىم.
ەندى، مىنە باسپاسوزدەگى تاقىرىپتارعا قاراڭىزدار:
- رەسەيدىڭ قارجى مينيسترلىگى جالاقى تولەۋگە اقشا جەتپەي جاتقانىن مالىمدەدى
- زەينەتاقى جيناقتارىنان تۇك قالمايىن دەپ تۇر
- پۋتين رەسەيدىڭ 3 وبلىسىنىڭ گۋبەرناتورىن قىزمەتىنەن قۋدى
- رەسەي فەدەرالدىق كەدەن قىزمەتىنىڭ باسشىسى وتستاۆكاعا جونەلتىلدى
- رف پروكۋراتۋراسى جانىنداعى تەرگەۋ كوميتەتىنىڭ تەرگەۋشىلەرى قاماۋعا الىندى…
رەسەي ەكونوميكاسى بۇدان ءارى دە قۇلدىراي بەرەدى، وليگارحتار دا ميللياردتارىن جوعالتىپ، بىرىنەن سوڭ ءبىرى فوربس تىزىمىنەن شىعىپ وتىرادى.
اقىرى ولار قاسقا باستىڭ كەرەگى جوق دەپ شەشەدى. نە بولماسا، رەسەي ارى قاراي تاعى قۇلدىراي بەرەدى.
بۇل قىركۇيەكتە بولا ما، الدە ودان دا جارتى جىل كەيىنىرەك بولا ما، بىلمەيمىن.
بىراق جەلتوقسانعا قاراي رەسەي ەكونوميكاسى قاتتى «كوماعا» تۇسەدى.
سوندىقتان پۋتين قازان ايىندا بيلىكتە ءالى وتىراتىن بولسا، وندا مەن ەكونوميكالىق تۇرعىدا ەمەس، «پۋتينتانۋ» سالاسىندا قاتە بولجام جاساعانىمدى مويىندايمىن»، دەيدى ەكونوميست.
365info.kz
پىكىر قالدىرۋ